Cofrestr Prosiectau Gwyddoniaeth Dinasyddion

Overview

Click to view this page in English

Mae gwyddoniaeth ddinasyddion yn ffynnu ledled Cymru, ac rydym am sicrhau bod gennym ddealltwriaeth dda o’r prosiectau sy’n digwydd ar draws ein hamgylchedd naturiol. Mae’r gofrestr prosiectau yn darparu ffordd syml i grwpiau rannu gwybodaeth am eu gwaith, hyd yn oed pan nad ydyn nhw’n ceisio cymorth gan CNC. Mae hyn yn ein helpu i lunio darlun cliriach o weithgarwch ledled Cymru, ac i nodi themâu sy’n dod i’r amlwg yn nhirwedd y dystiolaeth.

Diben y gofrestr prosiectau

Mae’r gofrestr yn caniatáu i chi rannu manylion eich prosiect gwyddoniaeth dinasyddion fel y gall CNC gael gwybod am ehangder y gwaith sy’n digwydd ledled Cymru. Fe’i bwriedir ar gyfer prosiectau nad ydynt yn gofyn am gydweithrediad, adnoddau na chyngor gan CNC. Mae’r wybodaeth yn ein helpu i wneud y canlynol ar y cyd:

• Rhannu gwybodaeth am y prosiect i’n helpu i ddeall y darlun o ran tystiolaeth ehangach
• Cynyddu gwelededd gweithgaredd gwyddoniaeth dinasyddion ledled Cymru
• Cynorthwyo’r gwaith o gynllunio tystiolaeth hirdymor o fewn CNC

Os ydych chi’n ceisio cymorth, defnyddiwch ein ffurflen gais cydweithrediad gwyddoniaeth dinasyddion yn lle hynny. Ffurflen gais cydweithrediad gwyddoniaeth dinasyddion

Pwy ddylai ddefnyddio’r ffurflen hon

Mae’r ffurflen yn addas ar gyfer y canlynol:

• Grwpiau gwyddoniaeth dinasyddion nad ydynt yn ceisio cyfranogiad gan CNC
• Prosiectau ar unrhyw gam, boed hynny’n gam cynllunio, yn weithredol, neu wedi eu cwblhau
• Sefydliadau sy’n dymuno rhannu’r wybodaeth ddiweddaraf neu ganlyniadau

Os ydych chi’n dymuno gwneud CNC yn ymwybodol o’ch gwaith, dyma’r lle iawn.

Mae’r wybodaeth hon yn ein helpu i fapio gweithgarwch ledled Cymru a nodi cyfleoedd ar gyfer ymgysylltu yn y dyfodol.

Yr hyn nad yw’r gofrestr hon yn ei wneud

Er mwyn osgoi dryswch am y gofrestr, nodwch y canlynol:

• Nid yw’n gofyn am gymorth CNC
• Nid yw’n disodli’r ffurflen gais cydweithrediad gwyddoniaeth dinasyddion
• Nid yw’n sbarduno ymateb i lygredd na chamau rheoleiddio

Os oes arnoch angen cydweithrediad, cyngor neu fynediad at adnoddau gyda CNC, cwblhewch y ffurflen gais am gydweithrediad yn lle hynny.

Sut y defnyddir eich gwybodaeth ar ôl i chi ei chyflwyno

Ar ôl ei chyflwyno:

• Mae eich prosiect yn cael ei ychwanegu at gofrestr fewnol CNC
• Gall CNC gysylltu â chi os yw eich prosiect yn cyd-fynd ag anghenion tystiolaeth neu gyfleoedd yn y dyfodol

Cysylltu â ni

Os oes gennych gwestiynau am y gofrestr neu’r broses wyddoniaeth dinasyddion, gallwch gysylltu â ni yn: caisiaud@cyfoethnaturiolcymru.gov.uk.