Ffurflen gais cydweithrediad gwyddoniaeth dinasyddion

Trosolwg

Mae gwyddoniaeth ddinasyddion yn ehangu yng Nghymru, ac mae CNC yn awyddus i gefnogi prosiectau sy’n cyd-fynd â’n hanghenion tystiolaeth. Os ydych chi’n chwilio am gydweithrediad neu gyngor gan CNC, neu fynediad at adnoddau CNC, mae’r ffurflen hon yn ein helpu i ddeall eich prosiect ac yn caniatáu i ni ddarparu dull cyson o ran holl gyfranogiad gwyddoniaeth dinasyddion ar draws y sefydliad.

Sylwch fod angen i geisiadau am gyllid i CNC fynd drwy’r broses grantiau, ac nid drwy’r ffurflen hon. Rhoddir manylion grantiau a chyfleoedd ariannu CNC yma (Cyfoeth Naturiol Cymru / Grantiau a chyllid). Os ydych chi’n gofyn am grant ar gyfer prosiect gwyddoniaeth dinasyddion, byddai’n dal yn fuddiol cwblhau’r ffurflen hon ar gyfer y cyfraniadau anariannol mewn perthynas â’r prosiect gan CNC.

Os nad ydych chi’n ceisio cymorth ac yn dymuno rhannu gwybodaeth am eich prosiect yn unig, cwblhewch y ffurflen wybodaeth gwyddoniaeth dinasyddion yma:Cofrestr Prosiectau Gwyddoniaeth Dinasyddion

Pam y mae angen y ffurflen hon arnom

Mae ein staff yn cael llawer o geisiadau gan grwpiau gwyddoniaeth dinasyddion i gydweithio ar brosiectau, ac rydym am sicrhau eu bod i gyd yn cael eu hystyried mewn ffordd deg a chyson. Yn anffodus, efallai na fyddwn yn gallu cydweithio ar bob prosiect.

Mae’r wybodaeth a ddarparwch yn ein helpu ni i wneud y canlynol:

• Deall eich prosiect a’r hyn rydych chi’n gobeithio ei gyflawni
• Asesu sut y mae eich gwaith yn cyd-fynd â’n hanghenion tystiolaeth
• Nodi a all CNC ddarparu cymorth ystyrlon, a sut, gan ein galluogi i flaenoriaethu prosiectau a dyrannu amser / adnoddau staff yn briodol

Nid proses gystadleuol yw hon, ac ystyrir pob cais yn annibynnol.

Pwy a all gyflwyno cynigion partneriaeth gwyddoniaeth dinasyddion?

Unrhyw un sy’n rhedeg neu’n cynllunio prosiect gwyddoniaeth dinasyddion yng Nghymru.

Am ba fathau o gynigion y mae CNC yn chwilio?

Mae gennym ddiddordeb mewn cydweithio â phrosiectau gwyddoniaeth dinasyddion sydd:

• Wedi eu cynllunio’n dda â nodau / cwestiynau clir
• Yn bodloni ein hanghenion tystiolaeth. Gellir eu gweld yma:
  • Cyfoeth Naturiol Cymru / Datganiadau Ardal
  • Cyfoeth Naturiol Cymru / Datganiadau Ardal
  • UKEOF-guide-to-citizen-science.pdf

Yr hyn nad ydym yn gallu cydweithio ag ef

Er mwyn sicrhau cysondeb, tegwch a blaenoriaethau ein hadnoddau cyfyngedig, rhaid i ni flaenoriaethu gwaith sy’n cyd-fynd â’n hanghenion tystiolaeth.

Gall gwyddoniaeth dinasyddion chwarae rhan bwysig wrth adrodd am ddigwyddiadau llygredd, ac rydym yn gwerthfawrogi’r cyfraniad hwn. Dylid parhau i roi gwybod am lygredd y gellir ei weld neu ei arogli’n glir drwy ein llinell gymorth digwyddiadau – Cyfoeth Naturiol Cymru / Rhoi gwybod am ddigwyddiad amgylcheddol.

Cofiwch ei bod yn annhebygol y bydd CNC yn ymuno â phartneriaethau lle mae data ansawdd dŵr gwyddoniaeth dinasyddion yn cael eu casglu i sbarduno ymateb i lygredd ar unwaith, neu weithgarwch gorfodi y tu hwnt i weithdrefnau ymateb i ddigwyddiadau arferol CNC. Gweler: Cyfoeth Naturiol Cymru / Dull newydd o ymateb i ddigwyddiadau llygredd.

Cyfoeth Naturiol Cymru / Rhoi gwybod am ddigwyddiad amgylcheddol

Os ydyw CNC yn cytuno i bartneriaeth gwyddoniaeth ddinasyddion, nid yw hyn yn eithrio unrhyw grŵp nac unigolyn y tu allan i CNC rhag eu cyfrifoldeb i ofyn am, a chael yr holl ganiatâd angenrheidiol, gan gynnwys ond heb fod yn gyfyngedig i fynediad i dir ac unrhyw drwyddedau perthnasol.

Mae’r ffiniau hyn yn helpu i sicrhau bod ein hymgysylltiad â gwyddoniaeth dinasyddion yn parhau i fod yn ffocws, yn dryloyw, ac yn cyd-fynd â chyfrifoldebau statudol CNC.

Beth sy’n digwydd ar ôl i mi gyflwyno’r ffurflen hon?

Bydd eich cais yn cael ei adolygu gan ein cynghorydd gwyddoniaeth dinasyddion ochr yn ochr ag amrywiaeth o arbenigwyr pwnc yn fewnol. Ar ôl ei gymeradwyo, bydd yr ymateb yn cael ei ddychwelyd atoch drwy e-bost, i’r cyfeiriad a ddarparwch ar y ffurflen.

Ein nod yw ymateb i’ch cais o fewn chwe wythnos. 

Os oes gennych unrhyw gwestiynau am y ffurflen a’r broses, cysylltwch â’n Cynghorydd Data Allanol a Gwyddoniaeth Dinasyddion yn ceisiadaugd@cyfoethnaturiolcymru.gov.uk.