Cwmpo coed llarwydd yng Nghaerffili

Overview

Bydd gwaith cwympo coed helaeth yn dechrau mewn tri choetir ledled Sir Caerffili eleni i gael gwared ar goed llarwydd sydd wedi'u heintio â Phytophthora ramorum (clefyd y llarwydd).

Y mis nesaf, bydd gwaith yn dechrau i gael gwared ar oddeutu 23 hectar o goed llarwydd heintiedig mewn coetiroedd yn Llanbradach a 22 hectar o goed llarwydd mewn coetiroedd yn West End, ger Crosskeys.

Yn ddiweddarach yn yr hydref, bydd gwaith hefyd yn dechrau mewn coetiroedd a elwir 'Y Wyllie', ger Wattsville, lle bydd tua 57 hectar o goed llarwydd yn cael eu cludo ymaith.

Map yn dangos yr ardaloedd yr effeithir arnynt yn Llanbradach

Map yn dangos yr ardaloedd yr effeithir arnynt yn West End 

Map yn dangos yr ardaloedd yr effeithir arnynt yn Y Wyllie

Mae'r gweithrediadau'n debygol o barhau tan fis Chwefror 2022 yn Llanbradach a West End, a hyd at fis Rhagfyr 2023 yn y Wyllie.

Mynediad i goedwigoedd

Mae'n debygol y bydd yn rhaid inni gau mynediad y cyhoedd i rai rhannau o goedwigoedd tra bydd y gwaith yn digwydd. Mae safleoedd cynaeafu byw yn hynod beryglus, ac mae hyn yn angenrheidiol er mwyn diogelu diogelwch ein staff, ein contractwyr ac ymwelwyr â'r coetir.

Cadwch at y rheolau cau a'r arwyddion dargyfeirio pan fyddant ar waith.

Cludo pren

Bydd angen i gerbydau cludo pren gael mynediad rheolaidd i'r coetiroedd i gymryd pren a gynaeafir o'r safle ymaith. Ar gyfer safleoedd sy'n agos at gymunedau, bydd uchafswm o wyth llwyth lori y dydd. Mewn ardaloedd adeiledig bydd cyfyngiad pellach hefyd ar y gweithgaredd hwn i oriau y tu allan i oriau cynnar y bore ac oriau prysur gyda'r nos.

Gweld y llwybr cludo ar gyfer Llanbradach

Gweld y llwybr cludo ar gyfer West End a Wyllie

Ailblannu

Unwaith y bydd yr holl goed llarwydd heintiedig wedi'u tynnu, rydym yn bwriadu ailblannu coed yn yr ardaloedd yr effeithiwyd arnynt. Bydd hyn yn cynnwys cymysgedd amrywiol o rywogaethau i helpu i sicrhau bod ein coetiroedd yn gallu gwrthsefyll plâu a chlefydau yn y dyfodol.

Map yn dangos cynlluniau i ailstocio yng nghoetiroedd Llanbradach

Map yn dangos cynlluniau i ailstocio yng nghoetiroedd West End

Map yn dangos cynlluniau i ailstocio yng nghoetiroedd y Wyllie

Darllenwch ein cwestiynau cyffredin am ein gwaith cwympo coed.

Why we are consulting

Wrth i ni baratoi i ymgymryd â'r gwaith hanfodol hwn, rydym am sicrhau bod pobl yn ymwybodol o'r gwaith arfaethedig, ac yn deall pam mae'n digwydd a sut y gallai effeithio arnynt.

Rhagor o wybodaeth

Byddwn yn darparu diweddariadau rheolaidd ar y dudalen hon am y gwaith wrth i'r gwaith fynd rhagddo.

Darllenwch ein cwestiynau cyffredin am ein gwaith cwympo coed.

Os hoffech gofrestru ar gyfer ein cylchlythyr i gael diweddariadau rheolaidd am y gwaith, e-bostiwch SEForest.operations@naturalresources.wales