Penderfyniad Drafft Safle Tirlenwi Withyhedge

Trosolwg

Mae Resources Management U.K. Ltd wedi cyflwyno cais i Cyfoeth Naturiol Cymru (CNC) i newid ei drwydded amgylcheddol ar gyfer Safle Tirlenwi Withyhedge (rhif y drwydded EPR/MP3330WP).

Mae’r newid hwn, a elwir yn ‘amrywiad’, yn ofyniad cyfreithiol o dan Reoliadau Trwyddedu Amgylcheddol (Cymru a Lloegr) 2016.

Rydym wedi asesu'r newidiadau arfaethedig ac yn bwriadu caniatáu'r amrywiad i’r drwydded.

Manylion y cais

Cyfeirnod y cais: PAN-025929

Rhif y drwydded: EPR/MP3330WP

Math o gais: Amrywiad sylweddol

Cyfeiriad: Safle Tirlenwi Withyhedge, Bowling Farm, Rudbaxton, Hwlffordd, SA62 4DB

Gweithredwr: Resources Management UK Ltd

Mae'r gweithredwr wedi cynnig y newidiadau canlynol i'w drwydded:

Lefelau adfer diwygiedig
Rhaglen rheoli a monitro wedi'i haddasu ar gyfer dŵr daear, dŵr wyneb a thrwytholch
Ychwanegu 50,000 tunnell o bridd gwastraff y flwyddyn ar gyfer gwaith adfer o dan weithgaredd Adfer Gwastraff newydd
Cydgrynhoi a moderneiddio'r drwydded, gan gynnwys adolygiad o'r Amodau Gwella a'r Amodau Cyn-weithredol presennol

Ein penderfyniad drafft

Rydym yn bwriadu caniatáu’r amrywiad i’r drwydded. Dim ond os credwn na fydd llygredd sylweddol yn cael ei achosi a bod gan y gweithredwr y gallu i fodloni amodau'r drwydded y byddwn yn caniatáu amrywio trwydded.

Mae'r drwydded yn cynnwys amodau priodol i ddiogelu iechyd pobl a'r amgylchedd.

Rydym yn ceisio eich sylwadau ar ein penderfyniad drafft ac wedi lansio ymgynghoriad cyhoeddus a fydd yn para pedair wythnos.

Gallwch gynnig sylwadau ar ein penderfyniad drafft trwy gymryd rhan yn ein hymgynghoriad. Mae dolen i’r ymgynghoriad ar waelod y dudalen hon.

Pam bod eich barn yn bwysig

Rydym yn deall bod y safle hwn wedi bod o ddiddordeb arbennig i'r cyhoedd a'r gymuned leol. Oherwydd hyn rydym wedi gwella ein hymdrechion o ran cyfathrebu drwy lansio ymgynghoriad ar-lein drwy ein Canolfan Ymgynghori ac Ymgysylltu.

Dyma'ch cyfle i edrych ar ein penderfyniad drafft a chyflwyno eich sylwadau. Byddwn yn ystyried yr holl ymatebion perthnasol cyn i ni wneud ein penderfyniad terfynol ar y cais am drwydded.

Gweler Cyfoeth Naturiol Cymru / Cyfranogiad y cyhoedd: sut y gallwch gymryd rhan yn ein hymgynghoriadau ar drwyddedau am ragor o wybodaeth am sut rydym yn ymgynghori a pha faterion sydd o fewn ein cylch gwaith rheoleiddio.

Gallwch weld y dogfennau drafft canlynol a chymryd rhan yn yr ymgynghoriad gan ddefnyddio'r dolenni isod:

Trwydded ddrafft