Overview

Coedwig Clocaenog: Gwella Profiad Ymwelwyr 

Mae Cyfoeth Naturiol Cymru wedi derbyn cyllid gan brosiect Fferm Wynt Coedwig Clocaenog RWE i’w ddefnyddio ar gyfer gwelliannau hamdden ar draws ardaloedd o Ystad Goetir Llywodraeth Cymru a reolir gan CNC yng Ngogledd Ddwyrain Cymru. Rydym wrthi'n drafftio cynlluniau i wella'r hamdden sy’n cael ei gynnig yng Nghoedwig Clocaenog. Megis dechrau y mae’r prosiect ar hyn o bryd.

Helpwch ni i ddathlu ein bywyd gwyllt, ein cynefinoedd a’n treftadaeth

Mae CNC wedi sicrhau cyllid gan brosiect Fferm Wynt Clocaenog RWE i'w ddefnyddio ar gyfer gwelliannau hamdden ym mhob rhan o Goedwig Clocaenog.

Helpwch ni i wella gwybodaeth, ymwybyddiaeth a mynediad i nodweddion naturiol, hanesyddol ac amgylcheddol Clocaenog.

Y bywyd gwyllt a’r cynefinoedd sydd yma:

• Gwiwer goch
• Grugiar ddu
• Pathew
• Coetir Hynafol Lled-Naturiol

Nodweddion treftadaeth:

• Clytwaith o bentrefi cynhanesyddol, cylchoedd
• cerrig a thirurfiau
• Olion canoloesol anheddau domestig a chrefyddol

Helpwch ni i wella profiad ymwelwyr

Calon y goedwig yw'r ffocws ar gyfer gwelliannau. A allai gwell cyfleusterau i
ymwelwyr wella eich profiad chi o'r goedwig a'i bywyd gwyllt?

Helpwch ni i gynnal a gwella profiad ymwelwyr trwy ddarparu amgylchedd diogel, pleserus ac amrywiol.

Gadewch inni wybod:

• Pa lwybrau ydych chi'n eu defnyddio?
• Pa lwybrau hoffech chi ddefnyddio mwy arnynt?
• Beth sy'n eich atal neu'n eich cyfyngu chi rhag
• defnyddio'r rhain?
• Beth yw eich hoff ffordd o grwydro o gwmpas y
• goedwig? Er enghraifft: car, beic mynydd beicio,
• marchogaeth, cerdded, rhedeg ac ati

Helpwch ni i wella cysylltiadau a llwybrau at y llynnoedd/cronfeydd dwr

Ar hyn o bryd mae nifer o lwybrau wedi’u harwyddo yn y goedwig. A fyddai cael mwy o lwybrau cysylltu â Llyn Alwen a Llyn Brenig yn gwella eich profiad? A oes angen gwell cysylltiadau ar unrhyw safleoedd hamdden allweddol eraill?

Helpwch ni i greu gwell cysylltiadau rhwng lleoliadau hamdden allweddol ym mhob rhan o’r goedwig ac at brofiadau ac atyniadau i ymwelwyr
yn y cynlluniau.

Gadewch inni wybod:

• I ble’r ydych chi'n mynd yn bennaf yn y goedwig?
• Ym mha weithgareddau ydych chi'n cymryd rhan?
• Ym mhle’r hoffech chi weld gwell cysylltiadau â llwybr
• arall, maes parcio, atyniad neu bwynt o ddiddordeb

Helpwch ni i wella cysylltiadau o Ruthun

Mae nifer o safleoedd ymwelwyr CNC ar hyd ymyl ddwyreiniol y goedwig, sy'n arwain at dref Rhuthun. A allai gwell system i ddynodi llwybrau neu lwybrau amgen eich helpu i gael y gorau o'r goedwig?

Helpwch ni i greu gwell cysylltiadau o fewn ac at y goedwig yn ogystal ag at brofiadau ac atyniadau ymwelwyr yn y cyffuniau.

Gadewch inni wybod:

• Sut ydych chi'n teithio i'r goedwig fel arfer?
• A ellid newid unrhyw beth i'ch helpu i gerdded,
• beicio neu redeg i'r goedwig?
• Beth sy'n eich denu i Goedwig Clocaenog?

Gwelwch yr atodiadau ar gyfer y mapiau a rhagor o wybodaeth.

Beth yw'r camau nesaf?

Byddwn yn cynnal sesiwn galw heibio yn Neuadd Bentref Canolfan Cae Cymro, Clawddnewydd, LL15 2ND ar ddydd Llun, 8 Gorffennaf 2024 rhwng hanner dydd ac 8pm i roi cyfle i chi gael golwg ar syniadau drafft a dweud eich dweud.

Ar ôl i ni dderbyn a chrynhoi’r adborth o’r ymgynghoriad hwn, rydym am gadarnhau’r opsiynau sy’n cael eu ffafrio yn nhymor yr hydref 2024 a dechrau gweithio ar ddyluniadau manylach. Nod y rhain fydd gwella cyfleusterau a nodweddion presennol yng Nghoedwig Clocaenog ac o'i chwmpas.

A fydd mwy o gyfleoedd i ddweud fy marn?

Byddwn yn trefnu sesiynau galw heibio yn y dyfodol a gwybodaeth ar-lein wrth i ni ddatblygu’r cynlluniau, gan gynnig mwy o gyfleoedd i chi ddweud eich dweud.

Gallwch e-bostio’r tîm yn uniongyrchol yn: landmanagementne@cyfoethnaturiolcymru.gov.uk neu ffonio Cyfoeth Naturiol Cymru ar 0300 065 3000 a gofyn am gael siarad â Glenn Williams.