Arolwg 1: Pysgodfa Cocos Aber Afon Dyfrdwy: Gorchymyn Rheoleiddio Newydd

Trosolwg

Mae Cyfoeth Naturiol Cymru (CNC) ac Awdurdod Pysgodfeydd a Chadwraeth Glannau Gogledd-orllewin Lloegr (NWIFCA) yn gweithio mewn partneriaeth i wneud cais am Orchymyn Rheoleiddio newydd ar gyfer pysgodfa cocos aber afon Dyfrdwy. Bydd hyn yn disodli’r Gorchymyn presennol a gyflwynwyd yn 2008, sydd wedi helpu i drawsnewid y bysgodfa yn un o’r rhai mwyaf cynaliadwy yn y DU.

Nod y Gorchymyn newydd arfaethedig yw adeiladu ar y llwyddiant hwn — gan sicrhau y bydd y bysgodfa’n parhau i gael ei rheoli’n dda, i fod yn amgylcheddol gyfrifol ac yn wydn, gan gyflawni manteision hirdymor i’r rhai sy’n casglu cocos, i gymunedau lleol ac i’r amgylchedd naturiol ehangach.

Dyma'r arolwg cyntaf i'w gynnal o Medi - Hydref 2025.

Rhagor o wybodaeth am y broses adnewyddu.