Helpwch ni i lunio cynllun datblygu ynni Cyfoeth Naturiol Cymru

Mae’r cynllun datblygu ynni yn ymwneud yn benodol â phrosiectau ynni adnewyddadwy sydd ag effaith uniongyrchol ar yr ystad a reolir gan CNC, gan gynnwys prosiectau sydd wedi eu lleoli ar dir a reolir gan CNC, neu y mae arnynt angen mynediad, seilwaith neu hawliau tir eraill ar ei draws.  Nid yw’n fwriad ystyried datblygiadau ynni adnewyddadwy nad oes ganddynt unrhyw ryngweithio uniongyrchol â thir a reolir gan CNC.

Rydym yn awyddus i ddeall a ydyw ein ffordd o feddwl bresennol yn cwmpasu’r meysydd cywir ar gyfer gweithredu a chyflawni, ac a oes unrhyw themâu, cyfleoedd neu heriau pwysig y dylem fod yn eu hystyried fel rhan o’r cynllun datblygu ynni.

Gallwch adolygu ein syniadau cychwynnol ac ateb ychydig o gwestiynau byr.

Mae’r llawlyfr wedi ei fwriadu’n benodol ar gyfer prosiectau sy’n effeithio’n uniongyrchol ar yr ystad a reolir gan CNC, a bydd yn canolbwyntio ar ynni adnewyddadwy i ddechrau.  Er enghraifft, datblygiadau ynni adnewyddadwy ar yr ystad, neu brosiectau sy’n gofyn am dir, mynediad, seilwaith neu hawliau eraill ar ei draws. Nid darparu canllawiau cyffredinol ar gyfer datblygiadau nad oes ganddynt unrhyw effaith uniongyrchol ar dir a reolir gan CNC yw’r bwriad.

Wrth ddatblygu’r llawlyfr, rydym yn awyddus i sicrhau ei fod yn rhoi’r wybodaeth y mae ar ddatblygwyr ei hangen wrth ymgysylltu â CNC ar gynnig prosiect datblygu ynni ar yr ystad a reolir gan CNC.

Gallwch adolygu ein syniadau cychwynnol ac ateb ychydig o gwestiynau byr.