Gwerthuso cynigion partneriaeth gwyddoniaeth dinasyddion allanol

Trosolwg

Rydym wedi datblygu’r ffurflen hon i ddogfennu’r prosiectau gwyddoniaeth dinasyddion sy’n digwydd yng Nghymru i sicrhau ein bod yn ymwybodol o brosiectau a allai roi gwybodaeth/data i ni ac i fanylu’n glir ar yr hyn y gofynnir amdano gan CNC gan grwpiau gwyddoniaeth dinasyddion cyn i ni gydweithio.

Gan fod gwyddoniaeth dinasyddion yng Nghymru yn ehangu a bod gan CNC ddiddordeb yn y gwaith sy’n cael ei wneud, mae angen inni sicrhau ein bod yn darparu dull cyson ym mhob achos o gynnwys gwyddoniaeth dinasyddion ar draws y sefydliad. Mae grwpiau gwyddoniaeth dinasyddion yn cysylltu â staff CNC i gydweithio ar brosiectau ac, yn y blynyddoedd diwethaf, mae hyn wedi bod yn digwydd yn amlach. Mae’r ceisiadau gan grwpiau gwyddoniaeth dinasyddion i CNC yn amrywiol ac mae gennym gylch gwaith mawr gydag adnoddau cyfyngedig.

Diben y ffurflen hon yw

• dogfennu'r prosiectau gwyddoniaeth dinasyddion sy'n cael eu cynnal yng Nghymru
• manylu ar ba geisiadau sy’n cael eu gwneud i CNC gan y grwpiau
• caniatáu i ni flaenoriaethu prosiectau a dyrannu amser/adnoddau staff yn briodol

Sylwch fod angen i geisiadau am gyllid i CNC fynd drwy’r broses grantiau ac nid drwy’r ffurflen hon. Rhoddir manylion grantiau a chyfleoedd ariannu CNC yma (Cyfoeth Naturiol Cymru / Grantiau a chyllid).

Pam bod eich safbwyntiau o bwys

Oherwydd y nifer fawr o geisiadau i gydweithredu mewn prosiectau gwyddoniaeth dinasyddion, mae angen i ni asesu ceisiadau mewn ffordd deg, gan ganiatáu inni flaenoriaethu prosiectau sy'n diwallu ein hanghenion tystiolaeth a dyrannu ein hadnoddau'n briodol.

Pwy all gyflwyno cynigion partneriaeth gwyddoniaeth dinasyddion?

Croesawn gynigion perthnasol gan unrhyw unigolyn neu sefydliad.

Am ba fathau o gynigion mae CNC yn chwilio?

Mae gennym ddiddordeb mewn bod yn bartner â phrosiectau gwyddoniaeth dinasyddion sydd:

• Wedi'u cynllunio'n dda gyda nodau/cwestiynau clir, boed hynny'n casglu a dadansoddi data neu'n rhai sydd â manteision ehangach, e.e. addysg
• Yn diwallu ein hanghenion tystiolaeth, y gellir dod o hyd iddynt yma:
  • Cyfoeth Naturiol Cymru / Datganiadau Ardal
  • Cyfoeth Naturiol Cymru / Blaenoriaethau tystiolaeth forol ac arfordirol
  • Cyfoeth Naturiol Cymru / Adroddiad Interim ar Sefyllfa Adnoddau Naturiol 2019: Anghenion tystiolaeth