Y diweddaraf am fanwerthu ac arlwyo yng nghanolfannau ymwelwyr Cyfoeth Naturiol Cymru

Mae Cyfoeth Naturiol Cymru a Diogel Events yn gweithio i ddarparu wardeniaid ar y safle yng Ngwarchodfa Natur Genedlaethol Dyfi i ddiogelu ardaloedd amgaeedig lle mae Cwtiaid Torchog yn magu.

Hyd at ddiwedd tymor magu'r Cwtiad Torchog, bydd wardeniaid ar y safle yn ystod cyfnodau prysur fel gwyliau ysgol a phenwythnosau a hyd at ddau ddiwrnod yn ystod yr wythnos.

Yn ystod yr amseroedd hyn byddant:

• Yn gosod adrannau dros dro yn yr ardaloedd magu sy'n ymestyn i lawr y traeth rhwng llanw uchel.

• Yn sicrhau nad yw ymwelwyr yn mynd i mewn i'r ardaloedd amgaeedig.

• Yn atgoffa ymwelwyr â chŵn i'w cadw ar dennyn yn agos at y mannau hyn.

• Yn ateb unrhyw gwestiynau sydd gan bobl am y Cwtiad Torchog

• Yn cofnodi arsylwadau ar y Cwtiad Torchog.

Gofynnwn i bob ymwelydd barchu’r gwaith cadwraeth pwysig hwn i gynnal poblogaeth fagu gynaliadwy o’r rhywogaeth hon sydd ar y rhestr goch.

Bydd CNC yn monitro effeithiolrwydd y trefniant hwn drwy gydol y tymor mewn perthynas â llwyddiant y cwtiaid wrth fagu.

Rhwng 2021 a 2023, llwyddodd 6 i 7 pâr o gwtiaid i fagu, ond llynedd dim ond pedwar pâr a oedd yn llwyddiannus, a chredir bod hyn oherwydd tywydd gwaeth a chynnydd mewn ysglyfaethu yn dilyn dirywiad dramatig ym mhoblogaeth cwningod (ysglyfaeth allweddol i rai ysglyfaethwyr) oherwydd mycsomatosis.

Mae uned sy’n gwerthu bwyd oer a diodydd bellach yn weithredol yng Nghanolfan Ymwelwyr Bwlch Nant yr Arian.

Mae Cyfoeth Naturiol Cymru (CNC) yn gweithio gyda’r Consti, rhan o elusen Rheilffordd y Graig Aberystwyth, i ddarparu uned sy’n gwerthu diodydd a bwyd oer.

Meddai Elsie Grace, Pennaeth Datblygu Masnachol Cynaliadwy CNC:

“Hoffem groesawu’r Consti i Fwlch Nant yr Arian ac rydym yn edrych ymlaen am gael cydweithio â nhw dros y flwyddyn sy’n dod.

“Mae’r Consti yn cyd-fynd â’n gwerthoedd a’n hegwyddorion o warchod yr amgylchedd a hyrwyddo cynaliadwyedd.

"Rydym bellach yn canolbwyntio ar y broses o ddod o hyd i bartneriaid sydd â diddordeb mewn darparu gwasanaethau mwy hir dymor ym Mwlch Nant yr Arian a Choed y Brenin.

“Rydym wrthi’n cwblhau sut a phryd y byddwn yn cyflwyno’r cyfleoedd hyn i’r farchnad ac rydym yn gobeithio darparu mwy o wybodaeth yn fuan.”

Bydd yr uned yn agored rhwng 10am a 5pm, chwe diwrnod yr wythnos, o ddechrau'r Pasg hyd at ddiwedd gwyliau hanner tymor yr hydref, ac o 10am tan 4pm, pum diwrnod yr wythnos ar adegau eraill o'r flwyddyn.

Bydd ar agor bob penwythnos ac ar bob gŵyl y banc.

Mae brand Y Consti hefyd yn cynnal caffeteria a bwyty fin nos yn Aberystwyth.

Meddai Alun Davies, rheolwr cyffredinol Rheilffordd y Graig Aberystwyth:  

“Rydym yn falch o fod yn gweithio gyda CNC i ddarparu diodydd a bwyd oer i rai sy’n ymweld â Bwlch Nant yr Arian, gan gyfrannu mwy nag 20 mlynedd o brofiad ym maes arlwyo.

“Byddwn yn defnyddio bwyd o ffynonellau cynaliadwy, cynhyrchion untro y gellir eu compostio a byddwn yn osgoi defnyddio cynhyrchion sydd wedi’u lapio’n barod â phlastig lle bo modd.

“Rydym wedi ymrwymo i leihau ein hôl troed carbon, ar ôl gosod paneli solar yn ein bwyty yn ddiweddar.

“Byddwn hefyd yn hyrwyddo ac yn defnyddio cynnyrch Cymreig, fel llaeth, menyn, bara, cacennau a byrbrydau iach.”

Mae’r holl lwybrau, y maes parcio, maes chwarae a’r toiledau ym Mwlch Nant yr Arian yn dal i fod ar agor a gallwch ddarganfod mwy ar y wefan.

Rydym yn llwyr barchu eich hawl i brotestio ac yn hapus i ddarparu ar gyfer y digwyddiad. Gofynnwn yn garedig i chi gadw at y canllawiau canlynol er mwyn sicrhau diogelwch pawb dan sylw, yn staff ac yn ymwelwyr.

Lleoliad y brotest: Sicrhewch nad yw llif y traffig i'r safle yn cael ei rwystro.

Mynediad i'r Adeilad: Er bod croeso i chi wrth gwrs fynd i mewn i adeilad y Ganolfan Ymwelwyr, ni chaniateir protestiadau y tu mewn i'r adeilad. Hefyd, efallai y byddwn yn gwrthod mynediad os yw'r adeilad yn cyrraedd ei gapasiti dan godau diogelwch tân.

Mynd at ymwelwyr: Gofynnwn i chi ymatal rhag mynd at ymwelwyr cyffredin y tu mewn i'r adeilad a dangos parch tuag at yr holl ymwelwyr.

Rhyngweithio â staff: Osgowch unrhyw weithredoedd a allai beri gofid i'n staff.

Hysbysu’r Heddlu: Os ydych yn rhagweld y bydd mwy na 150 o bobl yn mynychu, rhowch wybod i'r heddlu ymlaen llaw

Atebolrwydd: Byddwch yn atebol am unrhyw ddifrod neu anaf a achosir yn ystod y digwyddiad, gan gynnwys niwed i geir, unigolion neu anifeiliaid anwes ar y safle.

Parchu’r Safle: Gofynnwn yn garedig i chi ofalu bod y safle'n cael ei barchu, a bod unrhyw sbwriel a gynhyrchir yn ystod y brotest yn cael ei waredu'n briodol.

Rydym yn gwerthfawrogi eich dealltwriaeth a’ch cydweithrediad wrth sicrhau bod y digwyddiad yn mynd yn esmwyth ac yn ddiogel i bawb dan sylw.

Rydym yn ymwybodol nad ydym wedi cyfathrebu’n ddiweddar ynglŷn â chamau nesaf ar gyfer canolfannau ymwelwyr Bwlch Nant yr Arian a Choed y Brenin ar ôl i’r ddarpariaeth manwerthu ac arlwyo ddod i ben ar 31 Mawrth.

Ar hyn o bryd rydym yn cwblhau, trwy ein prosesau llywodraethu, sut a phryd y byddwn yn mynd i'r farchnad i chwilio am gyfleoedd i helpu i redeg y gwasanaethau hyn.

Os bydd popeth yn rhedeg yn esmwyth rydym yn disgwyl gallu rhoi mwy o wybodaeth yn gynnar ym mis Ebrill.

Hoffem ddiolch i chi am eich amynedd a'ch dealltwriaeth oherwydd gwyddom fod llawer ohonoch yn awyddus, naill ai fel cynigydd posibl neu fel defnyddiwr, i ddeall beth sy’n digwydd nesaf.

Fel y nodwyd yn ein cyfarfodydd cyhoeddus ddiwedd y llynedd, rydym am wneud yn siŵr ein bod yn gwneud pethau'n iawn er mwyn osgoi dryswch ac unrhyw broblemau posibl yn y dyfodol a chredwn ei bod yn bwysig cymryd yr amser angenrheidiol nawr er mwyn sicrhau proses esmwyth yn nes ymlaen.

Rydym wedi darparu’r diweddariadau ar gyfer Canolfan Ymwelwyr Ynyslas ynghylch cyfle consesiwn ar gyfer uned lluniaeth symudol a thendrau ar gyfer darparu rheolaeth safle amser llawn ar gyfer maes parcio'r traeth.

Yn ddiweddar, bu inni hyrwyddo cyfle consesiwn am uned symudol yn cynnig hufen iâ a diodydd poeth ac oer yn Ynyslas, yng Ngwarchodfa Natur Genedlaethol Dyfi, o fis Ebrill i fis Medi 2025.

Hoffem ddiolch i bawb a gysylltodd â ni tra roedd y cyfle hwn ar agor - byddwn yn darparu mwy o fanylion i'r rhai a ymatebodd maes o law.

Mae contract blwyddyn o hyd - gydag estyniad posibl o hyd at dair blynedd - wedi’i ddyfarnu i gwmni Diogel i reoli maes parcio'r traeth yng Nghanolfan Ymwelwyr Ynyslas ar sail amser llawn.

Caiff ffioedd parcio eu cytuno mewn trafodaeth gyda CNC.

Nid oes newid i'r ddarpariaeth parcio am ddim ar gyfer preswylwyr sy'n byw o fewn ardal gymwys.

A yw’r ganolfan ymwelwyr wedi rhoi’r gorau i’r ddarpariaeth manwerthu ac arlwyo?

Ydy, ar 31 Mawrth rhoddodd CNC y gorau i’r ddarpariaeth manwerthu ac arlwyo yn y ganolfan ymwelwyr.

Bydd y safle a phob un o’n llwybrau, llwybrau cerdded, meysydd parcio a mannau chwarae yn parhau i fod ar agor a byddwn yn parhau i gynnal a chadw ein safleoedd i sicrhau bod mynediad cyhoeddus yn parhau. Ceir rhagor o wybodaeth i ymwelwyr ar ein gwefan.

Sut a phryd y gwnaed y penderfyniad i roi’r gorau i’r ddarpariaeth manwerthu ac arlwyo yn y canolfannau ymwelwyr?

Y llynedd, cynhaliodd CNC adolygiad i sicrhau ein bod mewn sefyllfa well i gyflawni amcanion ein cynllun corfforaethol i gefnogi adferiad byd natur, mynd i’r afael â newid yn yr hinsawdd a lleihau llygredd. Ystyriodd yr adolygiad yr hyn y gall ac y dylai CNC barhau i’w wneud, yr hyn y dylid ei gyfyngu arno a’r hyn y dylid rhoi’r gorau iddo er mwyn ateb y gostyngiad yn y gyllideb ddiwygiedig o £12 miliwn.

Yn dilyn ymgynghori helaeth ag undebau llafur a staff, ar 5 Tachwedd cyfarfu Bwrdd CNC a chytunwyd i weithredu newidiadau allweddol i fodloni’r heriau cyllidebol hynny, tra’n parhau i gyflawni’r cenadaethau a nodir yn ein cynllun corfforaethol.

Y penderfyniad oedd na fydd CNC bellach yn gweithredu darpariaeth arlwyo a manwerthu yn uniongyrchol mewn canolfannau ymwelwyr. Yn hytrach, byddwn yn chwilio am bartneriaid, yn grwpiau cymunedol a busnesau, i gofrestru diddordeb mewn darparu’r gwasanaethau hyn wrth symud ymlaen.

Pa wybodaeth a ddefnyddiwyd i ddod i gasgliadau yn yr Achos dros Newid?

Cymeradwyodd Bwrdd CNC yr Achos dros Newid ar ôl ymgynghori’n helaeth â’r undebau llafur a’u haelodau ochr yn ochr ag ymgysylltu â staff drwy ein timau arwain.

Fel rhan o’r gwaith o baratoi’r Achos dros Newid, cynhaliodd aelodau’r Tîm Arwain asesiad helaeth o risgiau ac effeithiau’r holl weithgareddau yr ydym yn ymgymryd â nhw, gan ddeall eu sail gyfreithiol a’u cyfraniad at y canlyniadau yn y cynllun corfforaethol a llythyr cylch gwaith tymor y llywodraeth.

Mae ymateb CNC i adborth undebau llafur yn dilyn yr ymgynghoriad i’w weld ar-lein: Achos dros Newid – Citizen Space Cyfoeth Naturiol Cymru – Citizen Space.

Pwy sy’n gyfrifol am gynnal a chadw’r safle?

Nid oedd staff ein canolfan ymwelwyr yn gyfrifol am reoli’r tir y tu mewn nac o amgylch y canolfannau, cyfrifoldeb y staff rheoli tir sy’n cael eu cynorthwyo gan dimau eraill mewn CNC yw hyn.

Yn Ynys-las rydym wedi ymrwymo’n llwyr i sicrhau bod y gwaith a wneir i warchod bywyd gwyllt a’r amgylchedd naturiol yng Ngwarchodfa Natur Genedlaethol Dyfi yn parhau. Bydd ein tîm rheoli tir yn parhau i reoli’r warchodfa natur i gyflawni ein rhwymedigaethau statudol.

Rydym wedi derbyn na fydd rhai pethau ar gael mwyach neu y bydd yn rhaid eu newid oherwydd yr Achos dros Newid. Fodd bynnag, mae parhad y warchodfa natur, a gwaith cadwraeth yr amgylchedd lleol, yn parhau i fod yn flaenoriaeth i ni.

Bydd y Warchodfa Natur Genedlaethol yn parhau i gael ei rheoli yn unol â’r Gwarchodfeydd Natur Cenedlaethol eraill rydym yn eu rheoli ledled Cymru. 

Pwy sy’n gyfrifol am ddiogelwch ar y safle?

Mae ymwelwyr â’n holl safleoedd yn gyfrifol am eu diogelwch eu hunain yn ogystal â diogelwch unrhyw blant ac anifeiliaid sydd gyda nhw yn ystod eu hymweliad. Ceir rhagor o wybodaeth ar ein gwefan: Cyfoeth Naturiol Cymru / Ymweld â’n lleoedd yn ddiogel. Mewn argyfwng, dylech bob amser ffonio 999.

Mae Ynys-las yn draeth baner goch ac wedi’i labelu’n glir felly; mae arwyddion wedi’u gosod yn amlwg ar hyd y traeth a’r aber yn hysbysu’r cyhoedd o’r peryglon.

O ran ordnans yr Ail Ryfel Byd, mae arwyddion rhybuddio wedi’u gosod o amgylch safle Ynys-las ynghyd â lluniau o’r mathau o ordnans a ddarganfuwyd, yn cynghori pobl i gysylltu â’r gwasanaethau brys os ydynt yn dod ar draws un. Os rhoddir gwybod am ordnans, bydd ein tîm digwyddiadau yn trefnu bod yr ardal yn cael ei chau, a bydd y digwyddiad yn cael ei drin fel digwyddiad â blaenoriaeth. Mae rota ymateb bob awr o’r dydd, bob dydd o’r wythnos ar waith i sicrhau ymateb cyflym, os bydd angen mynd i safle neu os bydd angen cymryd camau gweithredu eraill. 

A fydd cyfleusterau toiled yn dal i fod ar agor i ymwelwyr?

Bydd, bydd cyfleusterau toiled yn parhau i fod yn hygyrch ac ar agor i’r cyhoedd.

A fydd unrhyw ddarpariaeth arlwyo ar y safle nawr bod y gwasanaeth manwerthu nac arlwyo wedi dod i ben?

Rydym yn cynnal trafodaethau ag ymgeisydd am gonsesiwn hufen iâ a diod dros dro, ac yn gobeithio cael popeth ar waith cyn gynted â phosibl.

Sut byddwch yn atal ymddygiad gwrthgymdeithasol?

Bydd staff rheoli tir yn parhau i fod yn bresennol ar y safle ac felly’n gallu monitro unrhyw ymddygiad annymunol. Mae camerâu teledu cylch cyfyng eisoes ar waith, a bydd y system ANPR newydd yn y maes parcio yn rhoi mwy o reolaeth ac ymwybyddiaeth i ni o bwy sy’n teithio i’r safle.

Ni fydd mynediad i’r safle yn newid ac mae’n dal i fod ar agor i ymwelwyr yn unol â’r arfer. Fel yn y rhan fwyaf o leoliadau, mae presenoldeb aelodau eraill o’r cyhoedd yn atal ymddygiad gwrthgymdeithasol.

Atgoffir ymwelwyr mai eu cyfrifoldeb nhw yw cael gwared ar sbwriel neu wastraff, ac anogwn y cyhoedd i ddilyn y canllawiau a nodir yn y Cod Cefn Gwlad ac i beidio â gadael unrhyw beth ar eu hôl.

Rydym yn annog ymwelwyr i roi gwybod i ni am ddigwyddiadau ar 0300 065 3000, sef ein llinell ddigwyddiadau 24 awr, fel y gallwn roi gwybod i’n rhwydwaith o reolwyr tir gyda rota digwyddiadau 24/7 ar waith. Gellir hefyd adrodd am ddigwyddiadau ar-lein trwy ein gwefan: Cyfoeth Naturiol Cymru / Rhoi gwybod am ddigwyddiad

A allaf archebu lle i ddefnyddio’r ganolfan ymwelwyr?

Hyd nes y byddwn wedi archwilio’r cynnig a gawsom o ganlyniad i’r broses datganiad o ddiddordeb yn llawn, ni fyddwn yn derbyn ceisiadau i ddefnyddio’r adeilad yn gyffredinol, ond byddwn yn parhau i adolygu statws hyn wrth i’r broses fynd rhagddi.

Pam mae CNC yn mabwysiadu agwedd wahanol ynglŷn ag Ynys-las o gymharu â Bwlch Nant yr Arian a Choed y Brenin?

Mae Ynys-las yn unigryw gan ei bod yn rhan o Warchodfa Natur Genedlaethol Dyfi. Mae gan yr aber ardaloedd helaeth o wastadeddau llaid, banciau tywod a morfeydd heli o bwysigrwydd rhyngwladol sy’n darparu mannau bwydo a chlwydo i adar gwlyptir. Fel y cyfryw, mae gan Ynys-las anghenion a gofynion statudol penodol y mae gwarchod y warchodfa natur genedlaethol yn flaenoriaeth iddynt. Bydd hyn yn cynnwys cadw swyddfa ar y safle ar gyfer y staff rheoli tir. Mae Canolfan Ymwelwyr Ynys-las yn wahanol i Fwlch Nant yr Arian a Choed y Brenin gan nad oes darpariaeth arlwyo yno.

Ym mis Ionawr fe wnaethom ni gynnig Canolfan Ymwelwyr Ynys-las at ddefnydd y gymuned yn unig drwy broses datganiad o ddiddordeb. Rydym yn cynnal trafodaethau ag ymgeisydd ar hyn o bryd, a byddwn yn diweddaru’r dudalen hon pan fydd mwy o wybodaeth i’w rhannu. 

A yw cyfrifon y canolfannau ymwelwyr ar gael i’w gweld?

Ydyn, mae cyfrifon pob un o’r canolfannau ymwelwyr ar gyfer blwyddyn ariannol 2023-24 ar gael mewn taenlen drwy’r ddolen ar waelod y dudalen hon.

Pa ystyriaethau a roddwyd yn yr Achos dros Newid i’r effeithiau ar gymunedau lleol a’r sector twristiaeth yng Nghymru?

Nid sefydliad twristiaeth yw CNC. Diben CNC, fel y nodir yn Neddf yr Amgylchedd (Cymru), yw rheoli adnoddau naturiol yn gynaliadwy o safbwynt Cymru, ac mae amcanion strategol CNC wedi’u nodi yn llythyr cylch gwaith tymor y llywodraeth sydd ar gael ar-lein: Cyfoeth Naturiol Cymru: Llythyr cylch gwaith tymor y Llywodraeth 2022 i 2026.

Cynhaliwyd yr Achos dros Newid mewn ymateb i bwysau ariannol sydd wedi ei gwneud yn ofynnol i ni symleiddio ein gweithgareddau a chanolbwyntio adnoddau ar ddarparu’r gwasanaethau hanfodol hynny sy’n fwy cydnaws â chyfrifoldebau statudol CNC.

Mae cyllideb ddrafft Llywodraeth Cymru yn dangos y bydd CNC yn cael £7.6 miliwn ychwanegol ar gyfer 2025-2026. Oni ellir defnyddio hwn i gadw’r ddarpariaeth manwerthu ac arlwyo ar agor?

Mae gan CNC ran bwysig i’w chwarae wrth fynd i’r afael ag argyfyngau natur a hinsawdd sydd â chysylltiad cynhenid, ac rydym yn falch o weld y materion hollbwysig hyn yn cael eu rhoi wrth wraidd cyllideb ddrafft Llywodraeth Cymru.

Mae cyllideb ddrafft eleni yn newyddion cadarnhaol i CNC. Mae’r cynnydd mewn cyllid o ychydig dros £7.6 miliwn yn adlewyrchu pwysigrwydd y gwaith a wnawn a chydnabyddiaeth y llywodraeth o’r gwerth a ddarparwn.

Mae’r gyllideb ddangosol hon yn rhoi’r cyfle i ni gynllunio’n effeithiol ar gyfer y flwyddyn i ddod, gan alinio ein hymdrechion â blaenoriaethau gweinidogol tra’n datblygu ein hamcanion ein hunain. Rydym yn falch o’r setliad, sy’n adlewyrchu cydnabyddiaeth o’n gwaith hollbwysig, ond rydym hefyd yn ymwybodol o’r heriau sydd o’n blaenau wrth i ni ymdopi â gofynion a phwysau esblygol.

Nid yw’r setliad hwn yn newid y penderfyniadau y cytunwyd arnynt i ddod â rhai gweithgareddau o dan yr Achos dros Newid i ben neu i gwtogi arnynt. Bydd y cyllid yn cael ei gyfeirio’n strategol tuag at y meysydd buddsoddi a nodwyd. Mae’r dull hwn yn sicrhau ein bod yn parhau i ganolbwyntio ar gyflawni’r uchelgeisiau a amlinellwyd yn ein cynllun corfforaethol hyd at 2030.

Os oes gennyf gwestiynau am y newidiadau i ganolfannau ymwelwyr, sut gallaf ofyn i CNC?

Dylid cyfeirio unrhyw gwestiynau ynglŷn â’r broses Achos dros Newid o safbwynt y canolfannau ymwelwyr drwy e-bost i ymgysylltu.masnachol@cyfoethnaturiolcymru.gov.uk

A yw’r ganolfan ymwelwyr wedi rhoi’r gorau i’r ddarpariaeth manwerthu ac arlwyo?

Ydy, ar 31 Mawrth rhoddodd CNC y gorau i’r ddarpariaeth manwerthu ac arlwyo yn y ganolfan ymwelwyr.

Bydd y safle a phob un o’n llwybrau, llwybrau cerdded, meysydd parcio a’r man chwarae yn parhau i fod ar agor a byddwn yn parhau i gynnal a chadw ein safleoedd i sicrhau bod mynediad cyhoeddus yn parhau. Ceir rhagor o wybodaeth i ymwelwyr ar ein gwefan.

A fydd sesiynau bwydo’r barcudiaid coch yn parhau?

Mae bwydo'r barcutiaid coch ym Mwlch Nant yr Arian yn parhau, gweler tudalen we Bwlch Nant yr Arian am ragor o wybodaeth: Cyfoeth Naturiol Cymru / Canolfan Ymwelwyr Bwlch Nant yr Arian, ger Aberystwyth

A fydd cyfleusterau toiled yn dal i fod ar agor i ymwelwyr?

Bydd, bydd cyfleusterau toiled yn hygyrch ac yn agored i’r cyhoedd.

A fydd unrhyw ddarpariaeth arlwyo ar y safle nawr bod y gwasanaeth manwerthu nac arlwyo wedi dod i ben?

Yn dilyn proses gaffael, rydym yn cynnal trafodaethau ag ymgeisydd am gonsesiwn hufen iâ a diod dros dro, ac yn gobeithio cael popeth ar waith cyn gynted â phosibl.

Pwy sy’n gyfrifol am gynnal a chadw’r safle?

Nid oedd staff ein canolfannau ymwelwyr yn gyfrifol am reoli’r tir yn ein canolfannau, nac o’u hamgylch. Cyfrifoldeb y staff rheoli tir yw hyn. Mae cadwraeth a chynnal y safleoedd hyn, gan gynnwys mynediad cyhoeddus, yn bwysig i CNC. 

Bydd CNC yn parhau i gyflawni ei ddyletswyddau statudol fel rheolwr tir ar gyfer Ystad Goetir Llywodraeth Cymru ym Mwlch Nant yr Arian a Choed y Brenin.

Beth fydd yn digwydd i’r llwybrau beicio ym Mwlch Nant yr Arian?

Bydd y llwybrau beicio ym Mwlch Nant yr Arian yn parhau i gael eu cynnal gan CNC trwy eu cyllidebau cynnal a chadw a ddyrannwyd ar gyfer y flwyddyn ariannol nesaf. Er y bydd newidiadau i’r Tîm Hamdden fel rhan o’r Achos dros Newid, mae Bwlch Nant yr Arian yn safle blaenoriaeth ac felly bydd yn parhau i gael ei gefnogi. Bydd mynediad cyhoeddus i’r safleoedd hyn yn cael ei gynnal ar gyfer amrywiaeth o weithgareddau awyr agored, nid beicio mynydd yn unig. Gellid cynnwys darpariaeth hamdden mewn unrhyw gynnig marchnad terfynol; fodd bynnag, nid oes penderfyniad wedi’i wneud ar hynny ar hyn o bryd.

Pwy sy’n gyfrifol am ddiogelwch ar y safle?

Mae ymwelwyr â’n holl safleoedd, gan gynnwys y tair canolfan ymwelwyr, yn gyfrifol am eu diogelwch eu hunain yn ogystal â diogelwch unrhyw blant ac anifeiliaid sydd gyda nhw yn ystod eu hymweliad. Ceir rhagor o wybodaeth ar ein gwefan: Cyfoeth Naturiol Cymru / Ymweld â’n lleoedd yn ddiogel.

Mewn argyfwng, dylech bob amser ffonio 999.

Sut byddwch yn atal ymddygiad gwrthgymdeithasol?

Bydd staff rheoli tir yn parhau i fod yn bresennol ar y safle ac felly’n gallu monitro unrhyw ymddygiad annymunol.

Mae camerâu teledu cylch cyfyng eisoes ar waith, a bydd y system ANPR newydd yn y maes parcio, a fydd yn cael ei gosod ymhen ychydig fisoedd, yn rhoi mwy o reolaeth ac ymwybyddiaeth i ni o bwy sy’n teithio i’r safle.

Ni fydd mynediad i’r safle yn newid ac mae’n dal i fod ar agor i ymwelwyr yn unol â’r arfer. Fel yn y rhan fwyaf o leoliadau, mae presenoldeb aelodau eraill o’r cyhoedd yn atal ymddygiad gwrthgymdeithasol.

Atgoffir ymwelwyr mai eu cyfrifoldeb nhw yw cael gwared ar sbwriel neu wastraff, ac anogwn y cyhoedd i ddilyn y canllawiau a nodir yn y Cod Cefn Gwlad ac i beidio â gadael unrhyw beth ar eu hôl.

 Rydym yn annog ymwelwyr i roi gwybod i ni am ddigwyddiadau ar 0300 065 3000, sef ein llinell ddigwyddiadau 24 awr, fel y gallwn roi gwybod i’n rhwydwaith o reolwyr tir gyda rota digwyddiadau 24/7 ar waith. Gellir hefyd adrodd am ddigwyddiadau ar-lein trwy ein gwefan: Cyfoeth Naturiol Cymru / Rhoi gwybod am ddigwyddiad

Sut bydd y system codi tâl am feysydd parcio newydd yn gweithio?

Bydd y system newydd, pan gaiff ei chyflwyno, yn galluogi defnyddwyr lleol i reoli a chofrestru ar gyfer parcio am ddim trwy ap. Bydd defnyddwyr eraill yn gallu prynu tocynnau tymhorol a thariffau wedi’u hamseru, gyda’r rhai sy’n ymweld am gyfnodau byrrach yn talu llai.  Bydd cwsmeriaid yn dal i allu gwneud taliadau drwy’r peiriannau ar y safle, dros y ffôn a thrwy ap a bydd defnyddwyr yn cael cyfnod oedi o 24 awr ar ôl eu hymweliad i dalu.

Bydd y system newydd hon o gamerâu ANPR yn disodli’r cyfrifwyr ceir hŷn, llai dibynadwy ac yn sicrhau y gallwn symud a disodli’r hen offer mecanyddol yn ein safleoedd yn Niwbwrch a Choed y Brenin, gan gynnwys cael gwared ar gontractau cynnal a chadw.

Pryd fydd y broses dendro ar gyfer Bwlch Nant yr Arian yn dechrau, a beth yw’r broses?

Er mwyn sicrhau tegwch a chydraddoldeb, ni fydd unrhyw gynigion yn cael eu hystyried cyn dechrau unrhyw dendr cyhoeddus, a byddwn yn darparu mwy o fanylion am y broses hon, gan gynnwys y dyddiad cychwyn, maes o law. 

Cynhelir y broses drwy wefan GwerthwchiGymru a gall y rhai sydd â diddordeb gofrestru ar y platfform cyn i unrhyw broses ddechrau.

Ein blaenoriaeth yw dod o hyd i bartneriaid a all weithio gyda ni i wneud Bwlch Nant yr Arian yn ganolbwynt ffyniannus gyda dyfodol cynaliadwy hirdymor. Mae sicrhau ein bod yn dod o hyd i’r partner iawn ar gyfer y safle iawn yn hanfodol, ond i wneud hyn mae angen amser arnom i egluro a gwneud yn siŵr ein bod yn darparu’r gwerth mwyaf i ddefnyddwyr, busnesau lleol a chymunedau.    

Beth fydd y meini prawf caffael ar gyfer Bwlch Nant yr Arian?

Rydym bellach yn canolbwyntio’n gadarn ar y broses o ddod o hyd i bartneriaid, yn grwpiau cymunedol a busnesau, i gofrestru diddordeb mewn darparu gwasanaethau wrth symud ymlaen.

Ar hyn o bryd rydym yn penderfynu sut a phryd y byddwn yn mynd i’r farchnad ar gyfer y cyfleoedd hyn, a gobeithiwn rannu mwy o wybodaeth yn fuan.

Hoffem ddiolch i bawb am eu hamynedd a’u dealltwriaeth gan ein bod yn gwybod eich bod yn awyddus i wybod am yr hyn sydd i ddod. Ond rydym am wneud yn siŵr ein bod yn gwneud pethau’n iawn er mwyn osgoi unrhyw broblemau posibl yn y dyfodol a sicrhau’r canlyniad gorau i ymwelwyr, busnesau lleol a’r gymuned.

A fydd yn ofynnol i weithredwyr newydd Bwlch Nant yr Arian gynnal adeiladau’r ganolfan ymwelwyr fel rhan o’u contractau?

Rydym yn cymryd amser i ystyried beth fydd ein cynnig i’r farchnad er mwyn sicrhau ein bod yn cael y partner cywir a fydd yn sicrhau’r gwerth mwyaf i ddefnyddwyr, busnesau lleol a chymunedau.

Nid oes unrhyw benderfyniad wedi’i wneud ynghylch cynnal a chadw’r adeiladau yn y dyfodol, ond mae’n debygol y bydd hyn yn rhan o drafodaethau contract yn ystod y broses gaffael.

A yw cyfrifon y canolfannau ymwelwyr ar gael i’w gweld?

Ydyn, mae cyfrifon pob un o’r canolfannau ymwelwyr ar gyfer blwyddyn ariannol 2023-24 ar gael mewn taenlen drwy’r ddolen ar waelod y dudalen hon.

Sut a phryd y gwnaed y penderfyniad i roi’r gorau i’r ddarpariaeth manwerthu ac arlwyo yn y canolfannau ymwelwyr?

Y llynedd, cynhaliodd CNC adolygiad i sicrhau ein bod mewn sefyllfa well i gyflawni amcanion ein cynllun corfforaethol i gefnogi adferiad byd natur, mynd i’r afael â newid yn yr hinsawdd a lleihau llygredd. Ystyriodd yr adolygiad yr hyn y gall ac y dylai CNC barhau i’w wneud, yr hyn y dylid ei gyfyngu arno a’r hyn y dylid rhoi’r gorau iddo er mwyn ateb y gostyngiad yn y gyllideb ddiwygiedig o £12 miliwn.

Yn dilyn ymgynghori helaeth ag undebau llafur a staff, ar 5 Tachwedd cyfarfu Bwrdd CNC a chytunwyd i weithredu newidiadau allweddol i fodloni’r heriau cyllidebol hynny, tra’n parhau i gyflawni’r cenadaethau a nodir yn ein cynllun corfforaethol.

Y penderfyniad oedd na fydd CNC bellach yn gweithredu darpariaeth arlwyo a manwerthu yn uniongyrchol mewn canolfannau ymwelwyr. Yn hytrach, byddwn yn chwilio am bartneriaid, yn grwpiau cymunedol a busnesau, i gofrestru diddordeb mewn darparu’r gwasanaethau hyn wrth symud ymlaen.

Pa wybodaeth a ddefnyddiwyd i ddod i gasgliadau yn yr Achos dros Newid?

Cymeradwyodd Bwrdd CNC yr Achos dros Newid ar ôl ymgynghori’n helaeth â’r undebau llafur a’u haelodau ochr yn ochr ag ymgysylltu â staff drwy ein timau arwain. Fel rhan o’r gwaith o baratoi’r Achos dros Newid, cynhaliodd aelodau’r Tîm Arwain asesiad helaeth o risgiau ac effeithiau’r holl weithgareddau yr ydym yn ymgymryd â nhw, gan ddeall eu sail gyfreithiol a’u cyfraniad at y canlyniadau yn y cynllun corfforaethol a llythyr cylch gwaith tymor y llywodraeth.

Mae ymateb CNC i adborth undebau llafur yn dilyn yr ymgynghoriad i’w weld ar-lein: Achos dros Newid – Citizen Space Cyfoeth Naturiol Cymru – Citizen Space.

Pa ystyriaethau a roddwyd yn yr Achos dros Newid i’r effeithiau ar gymunedau lleol a’r sector twristiaeth yng Nghymru?

Nid sefydliad twristiaeth yw CNC. Diben CNC, fel y nodir yn Neddf yr Amgylchedd (Cymru), yw rheoli adnoddau naturiol yn gynaliadwy o safbwynt Cymru, ac mae amcanion strategol CNC wedi’u nodi yn llythyr cylch gwaith tymor y llywodraeth sydd ar gael ar-lein: Cyfoeth Naturiol Cymru: Llythyr cylch gwaith tymor y Llywodraeth 2022 i 2026.

Cynhaliwyd yr Achos dros Newid mewn ymateb i bwysau ariannol sydd wedi ei gwneud yn ofynnol i ni symleiddio ein gweithgareddau a chanolbwyntio adnoddau ar ddarparu’r gwasanaethau hanfodol hynny sy’n fwy cydnaws â chyfrifoldebau statudol CNC.

Mae cyllideb ddrafft Llywodraeth Cymru yn dangos y bydd CNC yn cael £7.6 miliwn ychwanegol ar gyfer 2025-2026. Oni ellir defnyddio hwn i gadw’r ddarpariaeth manwerthu ac arlwyo ar agor?

Mae gan CNC ran bwysig i’w chwarae wrth fynd i’r afael ag argyfyngau natur a hinsawdd sydd â chysylltiad cynhenid, ac rydym yn falch o weld y materion hollbwysig hyn yn cael eu rhoi wrth wraidd cyllideb ddrafft Llywodraeth Cymru.

Mae cyllideb ddrafft eleni yn newyddion cadarnhaol i CNC. Mae’r cynnydd yn y cyllid o ychydig dros £7.6 miliwn yn adlewyrchu pwysigrwydd y gwaith a wnawn a chydnabyddiaeth y llywodraeth o’r gwerth a ddarparwn.

Mae’r gyllideb ddangosol hon yn rhoi’r cyfle i ni gynllunio’n effeithiol ar gyfer y flwyddyn i ddod, gan alinio ein hymdrechion â blaenoriaethau gweinidogol tra’n datblygu ein hamcanion ein hunain. Rydym yn falch o’r setliad, sy’n adlewyrchu cydnabyddiaeth o’n gwaith hollbwysig, ond rydym hefyd yn ymwybodol o’r heriau sydd o’n blaenau wrth i ni ymdopi â gofynion a phwysau esblygol.

Nid yw’r setliad hwn yn newid y penderfyniadau y cytunwyd arnynt i ddod â rhai gweithgareddau o dan yr Achos dros Newid i ben neu i gwtogi arnynt. Bydd y cyllid yn cael ei gyfeirio’n strategol tuag at y meysydd buddsoddi a nodwyd. Mae’r dull hwn yn sicrhau ein bod yn parhau i ganolbwyntio ar gyflawni’r uchelgeisiau a amlinellwyd yn ein cynllun corfforaethol hyd at 2030.

Os oes gennyf gwestiynau am y newidiadau i ganolfannau ymwelwyr, sut gallaf ofyn i CNC?

Dylid cyfeirio unrhyw gwestiynau ynglŷn â’r broses Achos dros Newid o safbwynt y canolfannau ymwelwyr drwy e-bost i ymgysylltu.masnachol@cyfoethnaturiolcymru.gov.uk

A yw’r ganolfan ymwelwyr wedi rhoi’r gorau i’r ddarpariaeth manwerthu ac arlwyo?

Ydy, ar 31 Mawrth rhoddodd CNC y gorau i’r ddarpariaeth manwerthu ac arlwyo yn y ganolfan ymwelwyr.

Bydd y safle a phob un o’n llwybrau, llwybrau cerdded, meysydd parcio a’r man chwarae yn parhau i fod ar agor a byddwn yn parhau i gynnal a chadw ein safleoedd i sicrhau bod mynediad cyhoeddus yn parhau. Ceir rhagor o wybodaeth i ymwelwyr ar ein gwefan.

A fydd cyfleusterau toiled yn dal i fod ar agor i ymwelwyr?

Bydd, bydd cyfleusterau toiled yn hygyrch ac yn agored i’r cyhoedd.

Nawr bod y ganolfan ymwelwyr wedi cau pwy sy’n gyfrifol am gynnal a chadw’r safle?

Nid oedd staff ein canolfannau ymwelwyr yn gyfrifol am reoli’r tir yn y canolfannau, nac o’u hamgylch. Cyfrifoldeb y staff rheoli tir yw hyn. Mae cadwraeth a chynnal y safleoedd hyn, gan gynnwys mynediad cyhoeddus, yn bwysig i CNC. 

Bydd CNC yn parhau i gyflawni ei ddyletswyddau statudol fel rheolwr tir ar gyfer Ystad Goetir Llywodraeth Cymru ym Mwlch Nant yr Arian a Choed y Brenin.

Beth fydd yn digwydd i’r llwybrau beicio yng Nghoed y Brenin?

Bydd llwybrau beicio Coed y Brenin yn parhau i gael eu cynnal gan CNC trwy eu cyllidebau cynnal a chadw a ddyrannwyd ar gyfer y flwyddyn ariannol nesaf. Er y bydd newidiadau i’r Tîm Hamdden fel rhan o’r Achos dros Newid, mae Coed y Brenin yn safle blaenoriaeth ac felly bydd yn parhau i gael ei gefnogi.

Bydd mynediad cyhoeddus i’r safleoedd hyn yn cael ei gynnal ar gyfer amrywiaeth o weithgareddau awyr agored, nid beicio mynydd yn unig. Gellid cynnwys darpariaeth hamdden mewn unrhyw gynnig marchnad terfynol; fodd bynnag, nid oes penderfyniad wedi’i wneud ar hynny ar hyn o bryd.

Pwy fydd yn gyfrifol am ddiogelwch ar y safle?

Mae ymwelwyr â’n holl safleoedd, gan gynnwys y tair canolfan ymwelwyr, yn gyfrifol am eu diogelwch eu hunain yn ogystal â diogelwch unrhyw blant ac anifeiliaid sydd gyda nhw yn ystod eu hymweliad. Ceir rhagor o wybodaeth ar ein gwefan: Cyfoeth Naturiol Cymru / Ymweld â’n lleoedd yn ddiogel.

Mewn argyfwng, dylech bob amser ffonio 999.

A fydd darpariaeth arlwyo dros dro ar y safle nawr bod y ganolfan ymwelwyr wedi rhoi’r gorau i’w darpariaeth?

Ar hyn o bryd rydym yn hysbysebu cyfle i’r farchnad gyflenwi gwasanaeth consesiwn dros dro o ddiodydd poeth yng Nghoed y Brenin. Rhagwelir y byddai’r gwasanaeth consesiwn hwn yn parhau ar waith nes dod o hyd i weithredwyr newydd ar gyfer y ganolfan ymwelwyr. Mae rhagor o wybodaeth am sut i gyflwyno cynnig ar gael ar y dudalen we hon.

Sut byddwch yn atal ymddygiad gwrthgymdeithasol?

Bydd staff rheoli tir yn parhau i fod yn bresennol ar y safle ac felly’n gallu monitro unrhyw ymddygiad annymunol.

Mae camerâu teledu cylch cyfyng eisoes ar waith, a bydd y system ANPR newydd yn y maes parcio, a fydd yn cael ei gosod ymhen ychydig fisoedd, yn rhoi mwy o reolaeth ac ymwybyddiaeth i ni o bwy sy’n teithio i’r safle.

Atgoffir ymwelwyr mai eu cyfrifoldeb nhw yw cael gwared ar sbwriel neu wastraff, ac anogwn y cyhoedd i ddilyn y canllawiau a nodir yn y Cod Cefn Gwlad ac i beidio â gadael unrhyw beth ar eu hôl.

 Rydym yn annog ymwelwyr i roi gwybod i ni am ddigwyddiadau ar 0300 065 3000, sef ein llinell ddigwyddiadau 24 awr, fel y gallwn roi gwybod i’n rhwydwaith o reolwyr tir gyda rota digwyddiadau 24/7 ar waith. Gellir hefyd adrodd am ddigwyddiadau ar-lein trwy ein gwefan: Cyfoeth Naturiol Cymru / Rhoi gwybod am ddigwyddiad

Ni fydd mynediad i’r safle yn newid ac mae’n dal i fod ar agor i ymwelwyr yn unol â’r arfer. Fel yn y rhan fwyaf o leoliadau, mae presenoldeb aelodau eraill o’r cyhoedd yn atal ymddygiad gwrthgymdeithasol.

Sut bydd y system codi tâl am feysydd parcio newydd yn gweithio?

Bydd y system newydd yn galluogi defnyddwyr lleol i reoli a chofrestru ar gyfer parcio am ddim trwy ap. Bydd defnyddwyr eraill yn gallu prynu tocynnau tymhorol a thariffau wedi’u hamseru, gyda’r rhai sy’n ymweld am gyfnodau byrrach yn talu llai.  Bydd cwsmeriaid yn dal i allu gwneud taliadau drwy’r peiriannau ar y safle, dros y ffôn a thrwy ap a bydd defnyddwyr yn cael cyfnod oedi o 24 awr ar ôl eu hymweliad i dalu.

Bydd y system newydd hon o gamerâu ANPR yn disodli’r cyfrifwyr ceir hŷn, llai dibynadwy ac yn sicrhau y gallwn symud a disodli’r hen offer mecanyddol yn ein safleoedd yn Niwbwrch a Choed y Brenin, gan gynnwys cael gwared ar gontractau cynnal a chadw.

Pryd fydd y broses dendro ar gyfer Coed y Brenin yn dechrau, a beth yw’r broses?

Er mwyn sicrhau tegwch a chydraddoldeb, ni fydd unrhyw gynigion yn cael eu hystyried cyn dechrau unrhyw dendr cyhoeddus, a byddwn yn darparu mwy o fanylion am y broses hon, gan gynnwys y dyddiad cychwyn, maes o law. 

Cynhelir y broses drwy wefan GwerthwchiGymru a gall y rhai sydd â diddordeb gofrestru ar y platfform cyn i unrhyw broses ddechrau.

Ein blaenoriaeth yw dod o hyd i bartneriaid a all weithio gyda ni i wneud Coed y Brenin yn ganolfannau ffyniannus gyda dyfodol cynaliadwy hirdymor. Mae sicrhau ein bod yn dod o hyd i’r partner iawn ar gyfer y safle iawn yn hanfodol, ond i wneud hyn mae angen amser arnom i egluro a gwneud yn siŵr ein bod yn darparu’r gwerth mwyaf i ddefnyddwyr, busnesau lleol a chymunedau.    

Beth fydd y meini prawf caffael ar gyfer Coed y Brenin?

Rydym bellach yn canolbwyntio’n gadarn ar y broses o ddod o hyd i bartneriaid, yn grwpiau cymunedol a busnesau, i gofrestru diddordeb mewn darparu gwasanaethau wrth symud ymlaen.

Ar hyn o bryd rydym yn penderfynu sut a phryd y byddwn yn mynd i’r farchnad ar gyfer y cyfleoedd hyn, a gobeithiwn rannu mwy o wybodaeth yn fuan.

Hoffem ddiolch i bawb am eu hamynedd a’u dealltwriaeth gan ein bod yn gwybod eich bod yn awyddus i wybod am yr hyn sydd i ddod. Ond rydym am wneud yn siŵr ein bod yn gwneud pethau’n iawn er mwyn osgoi unrhyw broblemau posibl yn y dyfodol a sicrhau’r canlyniad gorau i ymwelwyr, busnesau lleol a’r gymuned.

A fydd yn ofynnol i weithredwyr newydd Coed y Brenin gynnal adeiladau’r ganolfan ymwelwyr fel rhan o’u contractau?

Rydym yn cymryd amser i ystyried beth fydd ein cynnig i’r farchnad er mwyn sicrhau ein bod yn cael y partner cywir a fydd yn sicrhau’r gwerth mwyaf i ddefnyddwyr, busnesau lleol a chymunedau.

Nid oes unrhyw benderfyniad wedi’i wneud ynghylch cynnal a chadw’r adeiladau yn y dyfodol, ond mae’n debygol y bydd hyn yn rhan o drafodaethau contract yn ystod y broses gaffael.

A yw cyfrifon y canolfannau ymwelwyr ar gael i’w gweld?

Ydyn, mae cyfrifon pob un o’r canolfannau ymwelwyr ar gyfer blwyddyn ariannol 2023-24 ar gael mewn taenlen drwy’r ddolen ar waelod y dudalen hon.

Sut a phryd y gwnaed y penderfyniad i roi’r gorau i’r ddarpariaeth manwerthu ac arlwyo yn y canolfannau ymwelwyr?

Y llynedd, cynhaliodd CNC adolygiad i sicrhau ein bod mewn sefyllfa well i gyflawni amcanion ein cynllun corfforaethol i gefnogi adferiad byd natur, mynd i’r afael â newid yn yr hinsawdd a lleihau llygredd. Ystyriodd yr adolygiad yr hyn y gall ac y dylai CNC barhau i’w wneud, yr hyn y dylid ei gyfyngu arno a’r hyn y dylid rhoi’r gorau iddo er mwyn ateb y gostyngiad yn y gyllideb ddiwygiedig o £12 miliwn.

Yn dilyn ymgynghori helaeth ag undebau llafur a staff, ar 5 Tachwedd cyfarfu Bwrdd CNC a chytunwyd i weithredu newidiadau allweddol i fodloni’r heriau cyllidebol hynny, tra’n parhau i gyflawni’r cenadaethau a nodir yn ein cynllun corfforaethol.

Y penderfyniad oedd na fydd CNC bellach yn gweithredu darpariaeth arlwyo a manwerthu yn uniongyrchol mewn canolfannau ymwelwyr. Yn hytrach, byddwn yn chwilio am bartneriaid, yn grwpiau cymunedol a busnesau, i gofrestru diddordeb mewn darparu’r gwasanaethau hyn wrth symud ymlaen.

Pa wybodaeth a ddefnyddiwyd i ddod i gasgliadau yn yr Achos dros Newid?

Cymeradwyodd Bwrdd CNC yr Achos dros Newid ar ôl ymgynghori’n helaeth â’r undebau llafur a’u haelodau ochr yn ochr ag ymgysylltu â staff drwy ein timau arwain.

Fel rhan o’r gwaith o baratoi’r Achos dros Newid, cynhaliodd aelodau’r Tîm Arwain asesiad helaeth o risgiau ac effeithiau’r holl weithgareddau yr ydym yn ymgymryd â nhw, gan ddeall eu sail gyfreithiol a’u cyfraniad at y canlyniadau yn y cynllun corfforaethol a llythyr cylch gwaith tymor y llywodraeth.

Mae ymateb CNC i adborth undebau llafur yn dilyn yr ymgynghoriad i’w weld ar-lein: Achos dros Newid – Citizen Space Cyfoeth Naturiol Cymru – Citizen Space.

Pa ystyriaethau a roddwyd yn yr Achos dros Newid i’r effeithiau ar gymunedau lleol a’r sector twristiaeth yng Nghymru?

Nid sefydliad twristiaeth yw CNC. Diben CNC, fel y nodir yn Neddf yr Amgylchedd (Cymru), yw rheoli adnoddau naturiol yn gynaliadwy o safbwynt Cymru, ac mae amcanion strategol CNC wedi’u nodi yn llythyr cylch gwaith tymor y llywodraeth sydd ar gael ar-lein: Cyfoeth Naturiol Cymru: Llythyr cylch gwaith tymor y Llywodraeth 2022 i 2026.

Cynhaliwyd yr Achos dros Newid mewn ymateb i bwysau ariannol sydd wedi ei gwneud yn ofynnol i ni symleiddio ein gweithgareddau a chanolbwyntio adnoddau ar ddarparu’r gwasanaethau hanfodol hynny sy’n fwy cydnaws â chyfrifoldebau statudol CNC.

Mae cyllideb ddrafft Llywodraeth Cymru yn dangos y bydd CNC yn cael £7.6 miliwn ychwanegol ar gyfer 2025-2026. Oni ellir defnyddio hwn i gadw’r ddarpariaeth manwerthu ac arlwyo ar agor?

Mae gan CNC ran bwysig i’w chwarae wrth fynd i’r afael ag argyfyngau natur a hinsawdd sydd â chysylltiad cynhenid, ac rydym yn falch o weld y materion hollbwysig hyn yn cael eu rhoi wrth wraidd cyllideb ddrafft Llywodraeth Cymru.

Mae cyllideb ddrafft eleni yn newyddion cadarnhaol i CNC. Mae’r cynnydd mewn cyllid o ychydig dros £7.6 miliwn yn adlewyrchu pwysigrwydd y gwaith a wnawn a chydnabyddiaeth y llywodraeth o’r gwerth a ddarparwn.

Mae’r gyllideb ddangosol hon yn rhoi’r cyfle i ni gynllunio’n effeithiol ar gyfer y flwyddyn i ddod, gan alinio ein hymdrechion â blaenoriaethau gweinidogol tra’n datblygu ein hamcanion ein hunain. Rydym yn falch o’r setliad, sy’n adlewyrchu cydnabyddiaeth o’n gwaith hollbwysig, ond rydym hefyd yn ymwybodol o’r heriau sydd o’n blaenau wrth i ni ymdopi â gofynion a phwysau esblygol.

Nid yw’r setliad hwn yn newid y penderfyniadau y cytunwyd arnynt i ddod â rhai gweithgareddau o dan yr Achos dros Newid i ben neu i gwtogi arnynt. Bydd y cyllid yn cael ei gyfeirio’n strategol tuag at y meysydd buddsoddi a nodwyd. Mae’r dull hwn yn sicrhau ein bod yn parhau i ganolbwyntio ar gyflawni’r uchelgeisiau a amlinellwyd yn ein cynllun corfforaethol hyd at 2030.

Os oes gennyf gwestiynau am y newidiadau i ganolfannau ymwelwyr, sut gallaf ofyn i CNC?

Dylid cyfeirio unrhyw gwestiynau ynglŷn â’r broses Achos dros Newid o safbwynt y canolfannau ymwelwyr drwy e-bost i ymgysylltu.masnachol@cyfoethnaturiolcymru.gov.uk

Hoffem ddiolch i bawb a fu’n bresennol yn y cyfarfodydd cyhoeddus yn trafod dyfodol ein canolfannau ymwelwyr.

Hoffem ddiolch hefyd i'r rhai sydd wedi bod mewn cysylltiad gyda chwestiynau ychwanegol a cheisiadau am gyfarfodydd pellach. Rydym yn ddiolchgar am eich diddordeb a'ch angerdd mewn perthynas â’r safleoedd hyn ac rydym yn ystyried yr holl adborth sydd wedi bod yn ddefnyddiol iawn.

Cynhaliwyd sesiynau galw heibio i ddarparu’r wybodaeth ddiweddaraf i aelodau’r gymuned am ddyfodol canolfannau ymwelwyr Bwlch Nant yr Arian, Ynyslas a Choed y Brenin.

Hoffem ddiolch i bawb a fynychodd.

Cynhaliwyd y sesiynau galw heibio ar:

Dydd Mercher 8 Ionawr rhwng 10am a 3pm yn swyddfeydd Llywodraeth Cymru, Rhodfa Padarn, Llanbadarn Fawr, Aberystwyth, SY23 3UR.

Dydd Llun 13 Ionawr rhwng 10am a 3pm yng Nghanolfan Ymwelwyr Coed y Brenin, Dolgefeiliau, Dolgellau LL40 2HZ.

Dydd Llun 20 Ionawr rhwng 10am a 3pm yn swyddfeydd Llywodraeth Cymru, Rhodfa Padarn, Llanbadarn Fawr, Aberystwyth, SY23 3UR.

Dydd Gwener 24 Ionawr rhwng 10am a 3pm yng Nghanolfan Ymwelwyr Coed y Brenin, Dolgefeiliau, Dolgellau LL40 2HZ.

Rydym yn bwriadu cynnal sesiynau galw heibio pellach i'r cyhoedd yn y dyfodol.

Mae'r broses mynegi diddordeb ar gyfer defnydd cymunedol o Ganolfan Ymwelwyr Ynyslas bellach wedi dod i ben.

Rydym yn ystyried y cyflwyniadau a byddwn yn hysbysu partïon â diddordeb cyn gynted â phosibl.

Byddwn yn diweddaru'r dudalen hon wrth i'r broses barhau.

Mae gwefan GwerthwchiGymru yn borth caffael ac yn ffynhonnell o wybodaeth a sefydlwyd gan Lywodraeth Cymru i helpu:

• busnesau i ennill contractau gyda'r sector cyhoeddus ar draws Cymru
• prynwyr sector cyhoeddus i hysbysebu a rheoli cyfleoedd tendro
• busnesau i hyrwyddo eu gwasanaethau
• busnesau i ddod o hyd i gyfleoedd contract

Gallwch ddarganfod mwy yn GwerthwchiGymru: Croeso i GwerthwchiGymru