Ymgynghoriad ar ein ffioedd a thaliadau rheoleiddio ar gyfer 2025/26

Canlyniadau wedi'u diweddaru 1 Ebr 2025

Fel corff Llywodraeth Cymru (LlC), rhaid i Cyfoeth Naturiol Cymru (CNC) gydymffurfio â’r gofynion a nodir yn ‘Rheoli Arian Cyhoeddus Cymru’. Mae hyn yn ei gwneud yn ofynnol inni adennill yr holl gostau sy’n gysylltiedig â darparu ein gwasanaethau rheoleiddio gan y rhai rydym yn eu rheoleiddio, lle bo hynny’n bosibl, fel na chaiff y gwasanaethau hynny eu hariannu drwy drethi cyffredinol.

Nid oedd llawer o ffioedd a thaliadau CNC wedi’u hadolygu’n llawn ers sawl blwyddyn. Gan ddechrau gyda’r adolygiad strategol diweddar o godi tâl am geisiadau, rydym yn parhau â’n rhaglen waith hirdymor i sicrhau bod taliadau ar draws CNC yn adlewyrchu costau.

Rydym yn cydnabod yr effaith ariannol y gallai ein cynigion codi tâl ei chael ar rai busnesau, yn enwedig gan fod ein cynigion yn cyd-fynd â phwysau ariannol ehangach oherwydd chwyddiant a chostau byw uwch. Fodd bynnag, byddai methu â rheoli ein cynlluniau codi tâl i sicrhau eu bod yn adennill costau’n llawn yn cael effaith ar ein gallu i gyflawni ein dyletswydd reoleiddiol, atal llygredd, a chyfrannu at fynd i’r afael â’r argyfyngau hinsawdd a natur. Mae cyllid cynaliadwy yn golygu y gallwn gynnal ein cymwyseddau arbenigol, sicrhau cydymffurfedd â deddfwriaeth a thrwyddedau, ac addasu gwaith rheoleiddio. Mae’n bwysig inni addasu rheoleiddio a chyllid i gyflawni’r lefel o reoleiddio sydd ei hangen yng Nghymru er mwyn atal llygredd a sicrhau bod adnoddau naturiol yn cael eu cynnal, eu gwella a’u defnyddio’n gynaliadwy, ar hyn o bryd ac yn y dyfodol.

Ffeiliau:

• 2025_26 Charges Consultation Response FINAL CYM.pdf, 2.3 MB (PDF document)