Gwybodaeth am Weithrediadau'r Goedwig yng Nghoedwig Wentwood

Trosolwg

I weld y dudalen yn Saesneg cliciwch yma 

Bydd gwaith torri coed i gael gwared ar Sbriws Norwy aeddfed yn rhan ogleddol y coetir yng Nghoed Gwent yn cychwyn ddechrau mis Medi (2024). Mae’r ardal hon wedi’i heffeithio gan dân yn y gorffennol ac mae’r coed bellach yn dangos arwyddion o afiechyd a phydredd.

Yn ddiweddarach eleni, bydd gweithrediadau teneuo yn y de hefyd yn ailddechrau, er mwyn helpu i adfer y goedwig yn ôl yn Goetir Hynafol.

Mae'r coetir wedi'i ddynodi'n Blanhigfa ar Safle Coetir Hynafol (PAWS) ac mae'r gwaith hwn yn gam tuag at droi’r ardaloedd hyn yn ôl yn goetiroedd hynafol.

 Pa waith fydd yn digwydd?

• Bydd cam cyntaf y gwaith teneuo yn digwydd yn yr ardaloedd o goed ifanc yn y coetir nad ydynt wedi'u teneuo o'r blaen; bydd hyn yn caniatáu mynediad gwell at gnydau tra'n hybu sefydlogrwydd o fewn y llannerch.
• Bydd ardaloedd yn y coetir lle mae gwaith teneuo eisoes wedi digwydd yn cael eu teneuo ymhellach i greu bylchau yn y canopi coed. Bydd hyn yn helpu i gynyddu golau ar lawr y goedwig a chynyddu amrywiaeth o fewn y llystyfiant ar y ddaear a hyrwyddo aildyfiant naturiol.
• Bydd coed yn y coetir sydd wedi'u heintio â Phytophthora ramorum (neu glefyd y llarwydd) hefyd yn cael eu tynnu, i'n helpu i fynd i'r afael â lledaeniad y clefyd a'i atal rhag ymledu ymhellach.

Dysgwch fwy am ein dull o fynd i'r afael â chlefyd llarwydd a chlefyd (Chalara) coed ynn

Map yn dangos ardal yr effeithiwyd arni yn Wentwood

Pam rydyn ni'n teneuo coed?

Unwaith y bydd ardal o goed wedi aeddfedu i faint penodol, maent yn dechrau cystadlu â'i gilydd am faethynnau, dŵr a golau.

Mae teneuo’r coed yn helpu i leihau’r gystadleuaeth hon ac yn ein galluogi i gael gwared ar goed afiach a’r rhai nad ydynt yn tyfu’n dda.

Dyma un o’r gweithgareddau mwyaf buddiol y gellir ei wneud ar gyfer coedwig sy’n tyfu ac mae’n rhan hanfodol o gylchred y goedwig.

Ceir rhagor o wybodaeth am sut rydym yn gofalu am ein coedwigoedd:  Cylch bywyd ein coedwigoedd a'n coetiroedd 

Mynediad i'r goedwig yn ystod gweithrediadau

Mae'n debygol y bydd yn rhaid i ni gau mynediad cyhoeddus i rai ardaloedd o’r goedwig pan fydd gweithrediadau'n cael eu cynnal, er mwyn caniatáu i'r gwaith gael ei wneud yn gyflym ac yn ddiogel.

Er nad ydym yn hoffi cau mynediad i’n coedwigoedd, sy’n cael eu mwynhau gan lawer, mae safleoedd cynaeafu byw yn hynod beryglus, ac mae hyn yn angenrheidiol i ddiogelu diogelwch ein staff, ein contractwyr, ac ymwelwyr â’r coetir.

Cadwch at yr holl hysbysiadau cau a dargyfeirio pan fyddant ar waith. Byddwn yn gwneud popeth o fewn ein gallu i darfu cyn lleied â phosibl ar y gymuned leol.

Dysgwch fwy am ymweld â'n coedwigoedd yn ddiogel yma

Beth sy'n digwydd nesaf

We will provide regular updates on this page about the work as the operations progress.

Read our frequently asked questions about our Forest Operations