Gwybodaeth am weithrediadau coedwig yn Wet Meadow

Trosolwg

Er mwyn gweld y dudalen hon yn Saesneg cliciwch yma

Mae gwaith teneuo coedwigoedd i fod i ddechrau cyn bo hir yn Wet Meadow i deneuo'r coed conwydd o fewn y coetir i helpu i adfer y goedwig yn Goetir Hynafol unwaith eto.

Bydd y gwaith yn cymryd tua 8 mis.

Pam rydyn ni'n teneuo coed?

Unwaith y bydd ardal o goed wedi aeddfedu ac wedi cyrraedd maint penodol, byddant yn dechrau cystadlu â'i gilydd am faetholion, dŵr a golau.

Mae teneuo’r coed yn helpu i leihau’r gystadleuaeth hon ac yn caniatáu inni gael gwared o goed afiach a’r rhai nad ydynt yn tyfu’n dda.

Dyma un o’r gweithgareddau mwyaf buddiol y gellir ei wneud ar gyfer coedwig sy’n tyfu ac mae’n rhan hanfodol o gylchred y goedwig.

Dysgwch fwy am sut rydym yn gofalu am ein coedwigoedd:

Cylch bywyd ein coedwigoedd a'n coetiroedd 

Mynediad i'r goedwig

Er y bydd y rhan fwyaf o'r coetir yn dal i fod ar agor, bydd angen i ni gau ardaloedd lle mae'r gwaith teneuo yn digwydd, er mwyn sicrhau diogelwch ein contractwyr ac unrhyw rai sy’n ymweld â'r coetir.

Er eich diogelwch eich hun, gofalwch eich bod yn ufuddhau i unrhyw arwyddion neu ddargyfeiriadau a allai fod yn weithredol.
Diolch am eich amynedd a'ch cydweithrediad tra bod y gwaith hwn yn cael ei wneud.

Dysgwch fwy am ymweld â'n coedwigoedd yn ddiogel yma

Map yn dangos yr ardal yr effeithiwyd arni