Gwybodaeth am weithrediadau coedwigaeth yng nghoedwigoedd Wylie

Trosolwg

Gweld y dudalen hon yn Saesneg 

Diweddariad (12/11/24)

Mae gwaith cwympo coed wedi dechrau erbyn hyn yn ardaloedd 4 a 5 o'r coetir (gweler manylion ar y map)

Er mwyn caniatáu i'r gwaith gael ei wneud mor gyflym ac mor ddiogel ag sydd bosibl, mae hawliau tramwy cyhoeddus wedi cael eu cau yn ystod y gweithrediadau.

Er nad ydym yn hoffi cyfyngu ar fynediad i’n coedwigoedd, sy’n rhoi mwynhad i lawer, mae safleoedd cynaeafu byw yn hynod o beryglus, ac mae hyn yn angenrheidiol er mwyn diogelu ein staff, ein contractwyr a’r rhai sy’n ymweld â’r coetir.

Cofiwch ufuddhau i’r holl arwyddion sy’n nodi fod llwybrau wedi cau neu wedi cael eu dargyfeirio.

Dysgwch fwy am ymweld â'n coedwigoedd yn ddiogel yma

Diweddariad (10/05/24)

Rydym yn falch o ddweud bod contractwr newydd bellach wedi'i benodi ar gyfer gwaith cwympo coed yng nghoetir Wylie yn nyffryn Sirhywi, ac mae disgwyl i'r gwaith ddechrau yn fuan.

Tua diwedd mis Mai, bydd y pentyrrau pren sydd eisoes wedi'u cwympo wrth ochr y ffordd yn cael eu codi a'u cludo i felin bren.

Bydd gwaith cwympo coed i gael gwared ar y 38 hectar sy'n weddill o goed llarwydd sydd wedi’u heintio â Phytophthora ramorum (sy’n fwy adnabyddus fel clefyd y llarwydd) yn digwydd ym mis Awst, er mwyn osgoi tymor nythu adar.

Byddwch yn ymwybodol y bydd wagenni pren yn defnyddio ffordd y goedwig. Er eich diogelwch chi a'n contractwyr, ufuddhewch i unrhyw arwyddion a allai fod yn weithredol os gwelwch yn dda.

Sylwer bod y gwaith hwn yn barhad o'n gweithrediadau coedwigaeth blaenorol yn y coetir hwn ac mae ar wahân i’r cais cynllunio ar gyfer cynnig adfer Tomen Bedwas.

Hoffem ddiolch i'r gymuned ac i’r rhai sy’n ymweld â’r coetir am eu hamynedd a'u dealltwriaeth yn ystod y gwaith hwn.

Map yn dangos ardaloedd yr effeithiwyd arnynt yn Wylie

Sylwch fod y lliwiau ar y map yn dynodi ardaloedd y llannerch lle bydd gwaith yn digwydd o fewn y coetir

Ailblannu

Unwaith y bydd yr holl larwydd heintiedig wedi'i symud oddi yno, rydym yn bwriadu ailblannu coed yn yr ardaloedd yr effeithiwyd arnynt. Bydd hyn yn cynnwys cymysgedd amrywiol o rywogaethau i helpu i sicrhau bod ein coetiroedd yn gallu gwrthsefyll plâu a chlefydau yn well yn y dyfodol.

Map yn dangos cynlluniau i ailstocio yng nghoetiroedd Wylie