Coetir Beacon Hill – gwaith cwympo coed

Trosolwg

Er mwyn gweld y dudalen yn Gymraeg cliciwch yma

Diweddariad (12/11/24)

Yn ddiweddar, mae ein tîm coedwigaeth wedi derbyn Hysbysiad Iechyd Planhigion Statudol pellach ar y coed llarwydd o fewn Cnwd o Ffynidwydd Douglas ger maes parcio'r gogledd (gweler manylion ar y map)

Yn ogystal â’r gwaith llwyrgwympo sy’n digwydd ar hyn o bryd yn y goedwig bydd yr ardal hon yn cael ei theneuo.

Mae safleoedd cynaeafu byw yn beryglus - er mwyn sicrhau eich diogelwch chi a diogelwch ein contractwyr, dilynwch bob arwydd pan fyddwch yn yr ardal.

Diweddariad (01/10/24)

Pa fath o waith sy'n digwydd?

Mae gwaith cwympo coed bellach wedi dechrau yng nghoetir Beacon Hill, ger Narth, er mwyn cael gwared o 16 hectar o goed llarwydd sydd wedi’u heintio â Phytophora ramorum (neu glefyd y llarwydd).

Bydd y gwaith yn cymryd tua 9 mis.

Beth yw clefyd y llarwydd?

Mae clefyd y llarwydd, neu Phytophthora ramorum, yn glefyd tebyg i ffwng sy'n gallu achosi difrod helaeth a lladd amrywiaeth eang o goed a phlanhigion eraill. Mae clefyd y llarwydd yn lledaenu wrth i sborau hedfan yn yr awyr o goeden i goeden. Nid yw'n fygythiad i iechyd pobl nac anifeiliaid. 

Er na allwn atal lledaeniad clefyd y llarwydd, gallwn gymryd camau i'w arafu.

Dysgwch fwy am ein dull o fynd i'r afael â chlefyd llarwydd a chlefyd coed ynn 

Adar sy’n nythu 

Cyn i unrhyw waith ddechrau, rydym yn gweithio'n agos ag arolygwr adar i gynnal arolwg trylwyr o'r safle am unrhyw adar sy'n nythu. Bydd ardal waharddedig yn cael ei rhoi o gwmpas unrhyw nythod a ddarganfyddir a bydd y timau'n gweithio o amgylch yr ardal nes bod yr adar wedi gorffen magu a gadael y nyth.

Mynediad i'r goedwig yn ystod gweithrediadau

Byddwn yn ymdrechu i gadw cymaint o'r coetir ar agor ag sydd bosibl wrth weithio ar y safleoedd. Ond efallai y bydd angen cau rhannau o'r coetir am resymau diogelwch o bryd i'w gilydd.  Er eich diogelwch eich hun: Os gwelwch yn dda ufuddhewch i arwyddion pan fyddwch yn y coetir.

Er ein bod yn ymdrechu i gadw cymaint ag sydd bosibl o'r coetir ar agor, efallai y bydd angen inni gau rhai ardaloedd tra bod y gwaith yn mynd rhagddo, er mwyn caniatáu i'r gwaith gael ei wneud yn gyflym ac yn ddiogel.

Er nad ydym yn hoffi cau mynediad i’n coedwigoedd, sy’n rhoi mwynhad i lawer, mae safleoedd cynaeafu byw yn hynod o beryglus, ac mae hyn yn angenrheidiol i ddiogelu ein staff, ein contractwyr, ac ymwelwyr â’r coetir.

Cofiwch ufuddhau i’r holl hysbysiadau cau a dargyfeirio a fyddwch yn eu gweld. Byddwn yn gwneud popeth o fewn ein gallu i amharu cyn lleied ag sydd bosibl ar y gymuned leol.

Dysgwch fwy am ymweld â'n coedwigoedd yn ddiogel yma

Ailblannu 

Unwaith y bydd y llarwydd heintiedig wedi cael ei symud, byddwn yn ailblannu gyda choed llydanddail brodorol yn yr ardaloedd dan sylw. 

Cludo pren

Bydd angen i gerbydau cludo gael mynediad rheolaidd i'r coetiroedd er mwyn symud pren sydd wedi'i gynaeafu o'r safle. Ar gyfer safleoedd sy'n agos at gymunedau, bydd hyd at wyth llond lori y dydd. Mewn ardaloedd adeiledig bydd cyfyngiad pellach hefyd ar y gweithgaredd hwn i amser y tu allan i oriau brig y nos ac yn gynnar yn y bore.

Map yn dangos yr ardal yr effeithiwyd arni