Sut rydym yn rheoleiddio safle Kronospan, Y Waun

Trosolwg

English version available here.

Adrodd problem o safle Kronospan, Y Waun

Er mwyn adrodd problemau o safle Kronospan, Y Waun, cysylltwch â ni drwy ffonio 0300 065 3000 neu adroddwch ar-lein yma.

Rydym ni’n cymryd hyn o ddifrif

Rydym yn deall lefel y pryder yn y gymuned leol ac rydym am sicrhau pobl ein bod yn cymryd y mater hwn o ddifrif.

Rydym yn ystyried pob cwyn am Kronospan gan drigolion lleol, gan ofyn i'r gweithredwr ymchwilio a rhoi adborth ar yr holl adroddiadau. Rydym hefyd yn rhoi adnoddau sylweddol i sicrhau bod y gweithredwr yn cymryd y camau sydd eu hangen i fynd i'r afael â'r materion ac yn parhau i gydymffurfio â’r drwydded amgylcheddol, i ddiogelu’r amgylchedd ac iechyd pobl.

Ers i ni ddod yr unig rheoleiddwr yn 2022, rydym wedi goruchwylio dros 20 o amodau gwelliant i sicrhau bod y safle’n lleihau'r effaith ar y gymuned leol a’r amgylchedd. Ddwy flynedd yn ddiweddarach, mae llawer o'r amodau hyn wedi'u cyflawni.

Fodd bynnag, mae gwelliannau pellach i'w gweithredu gan y gweithredwr i leihau unrhyw faterion llwch ac arogl. Byddwn yn parhau i weithio gyda'r gweithredwr i sicrhau bod y camau hyn yn cael eu cymryd cyn gynted â phosib.

Cylchlythyr

Cofrestrwch ar gyfer ein cylchlythyr rheolaidd newydd am sut rydym yn rheoleiddio safle Kronospan, Y Waun.

Data personol

Bydd unrhyw ddata personol a gyflwynir yn cael ei gadw’n ddiogel. Mae gennych yr opsiwn i aros yn ddienw, fodd bynnag, er mwyn derbyn diweddariadau rheolaidd ynghylch safle Kronospan, Y Waun, rydym yn argymell eich bod yn darparu cyfeiriad e-bost.

--

Llun oddi ar Wikimedia.