WEDI CAU Cynnig Parc Cenedlaethol Newydd Cymru - Ymgynghori Cyhoeddus 2024

Trosolwg

Ewch i dudalen Wales's New National Park Proposal - Public Consultation 2024 i weld y dudalen hon yn Saesneg neu mynd yn ôl i brif dudalen wybodaeth Cynnig Parc Cenedlaethol Newydd Cymru. 

Yn dilyn y cyfnod ymgysylltu â’r cyhoedd ar yr ardal chwilio ddiwedd 2023, a chyfnod o gasglu tystiolaeth, canolbwyntiodd ymgynghoriad cyhoeddus 2024 ar ymgynghori â’r cyhoedd ar y cynnig arfaethedig.

Cynhaliwyd ymgynghoriad cyhoeddus deng wythnos o ddydd Llun 7 Hydref tan ddydd Llun 16 Rhagfyr 2024, a chyfres o ddigwyddiadau ar-lein ac wyneb yn wyneb. Roedd digwyddiadau’r ymgynghoriad cyhoeddus yn gyfle i ddysgu mwy am y prosiect a’r dystiolaeth a gasglwyd hyd hynny, gofyn cwestiynau i’r tîm a rhannu adborth ar y map ffiniau drafft, y cyfeirir ato fel ‘map ardal ymgeisiol’.

Mae’r map Ardal Ymgeisiol yn nodi ardaloedd y canfyddir, ar ôl gwerthusiad manwl gan ymgynghorydd tirwedd annibynnol a phrofiadol, eu bod yn bodloni’r meini prawf statudol ar gyfer Parc Cenedlaethol. Lawrlwytho y map Ardal Ymgeisiol mewn cydraniad uchel (200 mb).

I gael rhagor o fanylion, gweler yr Adroddiad Gwerthuso a Atodiad A: Ffigyrau Ardal Gwethuso sy'n llywio'r map Ardal Ymgeisiol.

Gallwch lawrlwytho y mapiau manwl o ffiniau'r Ardal Ymgeisiol, a gweld y mapiau dilyniant yn dangos sut mae’r ardal sy’n cael ei hasesu wedi esblygu o’r Ardal Chwilio i’r Ardal Ymgeisiol isod. Mae’r mapiau hyn yn cynnwys:

• Yr ardal ymchwilio 
• Ardaloedd Ychwanegwyd 
• Ardal wed'i Gwethuso
• Ardaloedd wedi'u Dileu
• Ardal Ymgeisiol

Lawrlwytho y map Ardal Ymchwilio mewn cydraniad uchel (110 mb).

Lawrlwytho y map Ardaloedd Ychwanegiad mewn cydraniad uchel (109 mb).

Lawrlwytho y map wedi'u Gwethuso mewn cydraniad uchel (110 mb).

Lawrlwytho y map wedi'u Dileu mewn cydraniad uchel (108 mb).

Ceir crynodeb byr o'r holl dystiolaeth hyd yma yn yr Adroddiad Cryno o Dystiolaeth. Fel y soniwyd uchod, rydym yn eich annog i weld y ddogfen hon cyn llenwi'r holiadur.

Os oes gennych ddiddordeb yn y manylion manylach, mae’r adroddiadau llawn isod yn ddogfennau cefndir a baratowyd fel rhan o’r broses ddynodi i helpu i lywio’r penderfyniad terfynol ar ddynodiad Parc Cenedlaethol newydd arfaethedig:

• Area of Search Report 
• Special Qualities Report 
• Forces For Change Report 
• Management Options Report 

Gweler cyfres o luniau o'r Ardal Ymgeisiol i roi blas i chi o'r tirwedd. 

Dywedodd Ash Pearce, rheolwr y rhaglen:

“Tra bod gennym drefn statudol i’w dilyn, rydyn ni am sicrhau bod hon yn broses gynhwysol a bod pobl yn cael cyfle i fynegi eu barn ar y cynigion.

“Mae ymgysylltu cynnar wedi rhoi darlun llawer cliriach i ni o faterion, gobeithion a phryderon y bobl a’r rhanddeiliaid lleol. Rydym wedi nodi un ar ddeg o themâu sy’n tanlinellu risgiau a chyfleoedd i’r ardal. Mae’r rhain yn adlewyrchu pryderon ynghylch twristiaeth a’r effaith ar dai, ond hefyd y gobeithion am well rheolaeth, mynediad cyfrifol, cadwraeth ac adferiad byd natur.

“Os caiff parc cenedlaethol newydd ei sefydlu, mae’n rhaid iddo allu rheoli’r risgiau a manteisio ar y cyfleoedd sydd ar gael, er lles byd natur, pobl a chymunedau”

“Rydym wedi diwygio ardal yr astudiaeth mewn ymateb i adborth lleol, ac yn y flwyddyn ddiwethaf wedi penodi tri ymgynghorydd annibynnol ar wahân i’n helpu i ddatblygu’r dystiolaeth a fydd yn llywio ein hargymhelliad. O ganlyniad i’r gwaith hwn, mae gennym bellach fap ardal ymgeisiol yr ydym am ei rannu â’r cyhoedd. Rydym yn annog unrhyw un sydd â diddordeb i ddod i un o’r digwyddiadau a restrir isod a chwblhau ein holiadur ar ôl gweld y crynodeb o’r dystiolaeth.

Yn yr un modd â’r cyfnod ymgysylltu, anogwyd pobl i naill ai alw heibio mewn digwyddiad wyneb yn wyneb neu drwy anfon e-bost at dîm y prosiect yn rhaglen.tirweddau.dynodedig@cyfoethnaturiolcymru.gov.uk i gofrestru ar gyfer digwyddiad ar-lein. Dim ond un digwyddiad oedd angen i bobl fynd iddo gan fod yr wybodaeth a rannwyd yr un peth ar gyfer pob un.

Mae dyddiadau, amseroedd a lleoliadau’r digwyddiadau a gynhaliwyd i’w gweld yn y tabl isod.

Digwyddiadau galw heibio ymgynghoriad cyhoeddus 2024:

Digwyddiadau ar-lein ymgynghoriad cyhoeddus 2024:

Digwyddiadau grwpiau targed ymgynghoriad cyhoeddus 2024:

Mae dadansoddiad gofalus o’r holl sylwadau, adborth a chyflwyniadau holiadur a anfonwyd atom mewn ymateb i ymgynghoriad cyhoeddus 2024 bellach wedi’i gwblhau. Cyflwynir y canfyddiadau yn adroddiad yr ymgynghoriad cyhoeddus 2024.