Hysbysiad Cyhoeddus Gorchymyn Dynodi Parc Cenedlaethol Glyndŵr 2026

Trosolwg

Ar ddydd Llun 12 Ionawr 2026, yn dilyn adolygiad o'r dystiolaeth a'r canfyddiadau o ymgynghoriad statudol 2025, cytunodd Bwrdd Cyfoeth Naturiol Cymru (CNC) i wneud Gorchymyn Dynodi Parc Cenedlaethol Glyndŵr.

Mae penderfyniad y Bwrdd wedi'i wneud yn seiliedig ar faterion sy'n ymwneud yn uniongyrchol â'r profion statudol a'r meini prawf ar gyfer dynodiad, gan gydnabod yr ystod o adborth, cefnogaeth a phryderon, gan gynnwys gwrthwynebiadau gan awdurdodau lleol fel ymgyngoreion statudol yn ystod yr ymgynghoriad.

Bydd Llywodraeth Cymru yn ystyried ymhellach y cynnig ar gyfer Parc Cenedlaethol newydd yn seiliedig ar Dirwedd Genedlaethol bresennol Bryniau Clwyd a Dyffryn Dyfrdwy (a oedd gynt yn Ardal o Harddwch Naturiol Eithriadol) yn dilyn cyfnod Hysbysiad Cyhoeddus ac ar ôl derbyn gwybodaeth a thystiolaeth, gan gynnwys ymatebion i'r ymgynghoriad.

Bydd cyfnod yr Hysbysiad Cyhoeddus yn rhedeg o'r 16 Ionawr 2026 ac yn para tan 15 Chwefror 2026, gan roi cyfle pellach i bobl ymateb yn ffurfiol i'r cynnig.

Yn ystod cyfnod yr Hysbysiad Cyhoeddus, mae'r Gorchymyn Dynodi a'r dogfennau ategol ar gael ar y dudalen wefan hon ac mewn adeiladau cyhoeddus ledled y rhanbarth. Ar ddiwedd y cyfnod hwn, bydd CNC yn cyflwyno'r holl wybodaeth i Lywodraeth Cymru, a fydd yn ystyried tystiolaeth CNC ochr yn ochr â materion ehangach a godwyd gan y cyhoedd a rhanddeiliaid cyn cytuno ar y camau nesaf.

DEDDF PARCIAU CENEDLAETHOL A MYNEDIAD I GEFN GWLAD 1949

CORFF ADNODDAU NATURIOL CYMRU

GORCHYMYN PARC CENEDLAETHOL GLYNDŴR (DYNODI) 2026

• Gorchymyn Dynodi

• Map Gorchymyn Dynodi

• Disgrifiad o'r Ffin a'r Map