Prosiect mwynglawdd metel Cwmnewydion

• Trin dŵr mwynglawdd
• Rheoli dŵr wyneb e.e. draenio safle mwynglawdd
• Rheoli gwaddodion
• Ail-broffilio gwastraff mwynglawdd
• Capio gwastraff mwynglawdd
• Rheoli dŵr wyneb e.e. gwahanu

Dros yr ychydig flynyddoedd diwethaf rydyn ni wedi bod yn casglu gwybodaeth i ddeall yn well y risg o lygredd o Fwynglawdd Wemyss, Mwynglawdd Graig Goch a Cheuffordd Frongoch er mwyn nodi rhestr o atebion lliniaru posibl. Mae Mwynglawdd Graig Goch a Cheuffordd Frongoch yn cael eu datblygu gyda’i gilydd o dan un prosiect o’r enw Cwmnewydion, gyda Mwynglawdd Wemyss yn cael ei ddatblygu fel prosiect ar wahân o fewn y Rhaglen gyfan.

Mae timau’r ddau brosiect yn gweithio’n agos i chwilio am arbedion a sicrhau’r buddion mwyaf posibl.

Rydyn ni wedi comisiynu Adroddiad Cwmpasu sy’n cynnwys Mwynglawdd Graig Goch a Cheuffordd Frongoch ac wedi cynnal asesiadau archeolegol ac ecolegol, er mwyn nodi’r problemau sy’n achosi llygredd i’r cwrs dŵr/ansawdd y dŵr ac y mae angen mynd i’r afael â hwy.

Rydym wedi gosod strwythur monitro llif yng ngheufforff Frongoch i gofnodi llifiant gan ddal i fonitro ansawdd dŵr yn fisol mewn lleoliadau ar hyd Nant Cwmnewydion

Ym Mwynglawdd Graig Goch a Cheuffordd Frongoch, y cam nesaf yw cynnal Astudiaeth Ddichonoldeb er mwyn asesu addasrwydd technegol, amgylcheddol ac economaidd yr amrywiol opsiynau lliniaru posibl.

Rydyn ni’n ystyried opsiynau ymyrryd posibl i leihau llygredd i’r dyfrffyrdd cyfagos, gyda’r nod o wella ansawdd y dŵr ar hyd Nant Magwr ac Afon Ystwyth.

Mae pob safle’n unigryw gyda’i heriau a’i gyfleoedd ei hun. Mae’n debygol y bydd angen cyfuniad o’r opsiynau lliniaru posibl ar lefel uchel er mwyn llwyddo i wella ansawdd dŵr yn Nant Cwmnewydion, Nant Magwr ac Afon Ystwyth.

Hoffem gael eich barn a’ch safbwyntiau wrth i ni barhau i ddatblygu ein hopsiynau, yn ogystal â’r cyfleoedd amgylcheddol, cymdeithasol ac economaidd ehangach sydd ar gael.

Bydd hyn yn arwain at restr fer o opsiynau dichonadwy a fydd yn arwain at ddewis strategaeth adfer a ffefrir ar gyfer y safle.

Mae’n debygol mai strategaeth fesul cam fydd hon, sy’n targedu ffynonellau llygredd penodol dros gyfnod o sawl blwyddyn, gan ganiatáu dylunio, adeiladu ac yna asesu pob ymyrraeth.

Hoffem i’r gymuned leol a rhanddeiliaid eraill fod yn rhan allweddol o’r broses hon.

Byddwn yn cynnal digwyddiadau ymgynghori cyhoeddus yn ddiweddarach yn y prosiect, ac yn cyhoeddi cylchlythyrau a fydd yn esbonio hynt y prosiect.

Hyd yma: Asesu Arolwg gwaelodlin a monitro ansawdd dŵr er mwyn llywio Astudiaeth Gwmpasu a rhestr hir o opsiynau adferiad.

Haf 2024: Diffinio’r broblem Astudiaeth Dichonoldeb i asesu rhestr hir o opsiynau ac i nodi rhestr fer addas.

Gwanwyn 2025: Dewisiadau’r rhestr fer Digwyddiad ymgynghori Rhanddeiliaid er mwyn cael adborth ar y rhestr fer o opsiynau.

Haf 2025: Strategaeth adfer a ffefrir Datblygiad o’r Strategaeth Adfer a ffefrir i’r safle gyda opsiynau ymyrraeth graddedig er mwyn eu hystyried ymhellach.

2026 Ymlaen: Y dewis a ffefrir Dylunio ac adeiladu yr opsiwn ymyrraeth gyda’r sgôr uchaf gan ddilyn gyda asesiad o’r effaith ar safon dŵr.

2023

Os hoffech ofyn am wybodaeth benodol, cysylltwch â’r tîm drwy e-bostio cwmnewydion@metalmineswales.co.uk.

Dolenni gwefan

Gwaith Plwm a Sinc Wemyss - Natural Resources Wales Citizen Space - Citizen Space

Lawrlwythiadau dogfennau cysylltiedig