Hysbysiad o Gais am Ailosod Pont Lwytho Abergwaun

Trosolwg

Deddf Y Môr a Mynediad I’r Arfordir 2009

Rheoliadau Gwaith Morol (Asesu Effeithiau Amgylcheddol) 2007

Hysbysiad o Gais am Ailosod Pont Lwytho Abergwaun

Hysbysir drwy hyn fod Stena Line Cyfyngedig wedi cyflwyno cais i Cyfoeth Naturiol Cymru am drwydded forol i gynnal gweithgaredd a reoleiddir o dan Ddeddf y Môr a Mynediad i’r Arfordir 2009. Mae angen caniatâd asesu effeithiau amgylcheddol ar y prosiect ac mae'n destun gofyniad am asesiad o’r effeithiau amgylcheddol dan Reoliadau Gwaith Morol (Asesu Effeithiau Amgylcheddol) 2007 (“y Rheoliadau Asesu Effeithiau Amgylcheddol”). Mae'r ymgeisydd wedi paratoi datganiad amgylcheddol.

Mae'r cais ar gyfer ailosod y bont lwytho a’r bad addasadwy presennol â phontŵn llwytho arnofiol newydd i wasanaethu fferi Stena Line yn Harbwr Abergwaun. Bydd y prosiect yn cynnwys carthu 2,500m3 ag aradr, gosod ategwaith clawdd concrit wedi’i atgyfnerthu â pholion, gosod polion canllaw o ddur tiwbaidd, amddiffynfeydd meini fel amddiffyniad rhag erydiad; a gwaith ategol a dros dro.

Mae copïau o'r datganiad amgylcheddol a dogfennau eraill sy’n ofynnol gan y Rheoliadau Asesu Effeithiau Amgylcheddol ar gael i'w harchwilio gan y cyhoedd am ddim yn ystod oriau swyddfa arferol yn Stena Line Cyf, Harbwr Abergwaun, Wdig, Sir Benfro, SA64 0BU.

Mae’n bosibl hefyd lawrlwytho copïau o'r datganiad amgylcheddol a'r dogfennau uchod – gweler isod gweler isod o’r gofrestr gyhoeddus drwy chwilio am CML2612.

Os gofynnir am gopïau caled o'r dogfennau uchod, efallai y bydd rhaid talu costau copïo nad ydynt yn fwy na chostau copïo rhesymol.