Cynllun Adnoddau Coedwig Llangollen

Overview

Cyfoeth Naturiol Cymru sy'n gyfrifol am reolaeth gynaliadwy ar goetiroedd a choedwigoedd Cymru sy'n eiddo cyhoeddus. Fe'u rheolir er budd a lles y bobl sy'n ymweld â nhw ac sy’n dibynnu arnynt am eu bywoliaeth. Mae'r cyfrifoldeb hwn yn cynnwys gwella eu bioamrywiaeth a'u gwytnwch tymor hir yn wyneb y newid yn yr hinsawdd fel y bydd cenedlaethau'r dyfodol hefyd yn gallu mwynhau'r buddion y maen nhw’n eu darparu. Bob deng mlynedd mae Cyfoeth Naturiol Cymru yn adolygu'r cynlluniau rheoli tymor hir ar gyfer pob ardal goedwig. Caiff y rhain eu crynhoi mewn Cynllun Adnoddau Coedwig newydd.

Mae Cynllun Adnoddau Coedwig Llangollen yn cynnwys saith bloc coedwig wahanol; Corwen, Cynwyd, Carrog, Nantyr (coedwig Ceiriog), Coed Foel, Craig-y-Dduallt a Choedwig Halton, sydd wedi'u lleoli yn Nyffryn Dyfrdwy a Dyffryn Ceiriog. Mae gan y coetiroedd hyn gyda'i gilydd arwynebedd cyfan o 1,400 hectar ac yn cynnwys cymysgedd o rywogaethau coed conwydd a llydanddail:

Isod ceir dolen i'r crynodeb o amcanion ar gyfer y cynllun:

Crynodeb o'r amcanion ar gyfer Coedwig Llangollen

At ddibenion yr ymgynghoriad hwn, mae'r mapiau wedi'u gwahanu yn saith coetir a leolir mewn lleoliadau gwahanol yn agos i'w cymunedau.

Mae'r ddogfen ganlynol yn helpu i esbonio rhai o'r categorïau a ddangosir ar y mapiau isod:

Esboniad o allweddi’r map

Coed Carrog

Coed Corwen

Craig-y-Dduallt

Coed Cynwyd

Planhigfa Foel

Coed Halton

Coed Nantyr

Crynodeb o'r prif newidiadau fydd yn digwydd yn y coetiroedd:

• Mwy o adfer a rheoli coetir brodorol a hynafol
• Llwyrdorri'r llarwydden dros y 10 i 15 blynedd nesaf 
• Mwy o reoli o ran teneuo gan arwain at fwy o Systemau Coedamaeth Bach eu Heffaith ac amrywiaeth o rywogaethau.

Why we are consulting

Hoffem wybod eich barn a'ch teimladau ynghylch y cynlluniau newydd ar gyfer coedwig Llangollen er mwyn ein helpu i wella rheolaeth hirdymor y goedwig.