Cynllun Adnoddau Coedwig Aberhirnant a Llangywer

Trosolwg

Cyfoeth Naturiol Cymru sy'n gyfrifol am reolaeth gynaliadwy ar goetiroedd a choedwigoedd Cymru sy'n eiddo cyhoeddus. Fe'u rheolir er budd a lles y bobl sy'n ymweld â nhw ac sy’n dibynnu arnynt am eu bywoliaeth. Mae'r cyfrifoldeb hwn yn cynnwys gwella eu bioamrywiaeth a'u gwytnwch tymor hir yn wyneb y newid yn yr hinsawdd fel y bydd cenedlaethau'r dyfodol hefyd yn gallu mwynhau'r buddion y maen nhw’n eu darparu. Bob deng mlynedd mae Cyfoeth Naturiol Cymru yn adolygu'r cynlluniau rheoli tymor hir ar gyfer pob ardal goedwig. Caiff y rhain eu crynhoi mewn Cynllun Adnoddau Coedwig newydd.

Mae Cynllun Adnoddau Coedwig Aberhirnant a Llangywer yn cynnwys ardal fawr o goedwig i’r de-ddwyrain o’r Bala. Mae'n cynnwys cnydau conwydd cynhyrchiol yn bennaf ac mae safle picnic bach wedi ei leoli yng Nghwm Hirnant.

Isod ceir dolen i'r crynodeb o amcanion ar gyfer y cynllun:

Crynodeb o'r amcanion ar gyfer coedwig Aberhirnant a Llangywer

Mae'r ddogfen hon yn helpu i egluro rhai o'r categorïau sydd i’w gweld ar y mapiau isod:

Esboniad o allweddi’r map            

Lluniau

Crynodeb o'r prif newidiadau fydd yn digwydd yn y goedwig:

• Mwy o goed llydanddail a mwy o goetir hynafol adferedig ar hyd cymoedd yr afonydd
• Llwyrdorri’r llarwydden heintus yn y pum mlynedd nesaf
• Mwy o waith rheoli teneuo ar y coed conwydd yn yr hirdymor a'r tymor byr
• Mwy o gynefinoedd cynhenid yn cysylltu ag Ardal Cadwraeth Arbennig y Berwyn a De Clwyd

Pam bod eich barn yn bwysig

Hoffem wybod eich barn a'ch teimladau ynghylch y cynlluniau newydd ar gyfer coedwig Aberhirnant a Llangywer er mwyn ein helpu i wella rheolaeth hirdymor y goedwig

Beth sy'n digwydd nesaf

Bydd crynodeb o ymatebion a chanlyniadau'r ymgynghoriad ar gael ar y wefan hon bedair i chwe wythnos wedi'r dyddiad cau.