Cynllun Adnoddau Coedwig Abergynolwyn

Canlyniadau wedi'u diweddaru 31 Mai 2024

Crynodeb o’r Ymgynghoriad ar Gynllun Coedwig Abergynolwyn (Tachwedd 2022)

Yn gyffredinol cafwyd:

4 ymateb ar hwb yr ymgynghoriad

9 ymateb gan drigolion lleol

4 ymateb gan randdeiliaid/sefydliadau

18 ymwelydd yn y sesiwn galw heibio ar 1 Tachwedd 2022

 

Yr hyn yr oedd pobl yn ei hoffi am y cynllun:

Bywyd gwyllt a bioamrywiaeth

Coetir llydanddail (x2)

Gwarchod bywyd gwyllt

Systemau coedamaeth bach eu heffaith ar gyfer bywyd gwyllt (x2)

Adfer Coetir Hynafol

Twristiaeth a darpariaeth swyddi

Twristiaeth, llwybrau troed a darpariaeth mynediad ar gyfer amrywiaeth o ymwelwyr

 

Yr hyn nad oedd pobl yn ei hoffi am y cynllun:

Cwympo coed

Cwympo coed ar raddfa fawr

Llanast ar ôl cwympo coed

Cyfyngiadau mynediad oherwydd cwympo coed

Coed marw yn Nant Gwernol

Dim sôn am dreftadaeth, safle treftadaeth y byd UNESCO

Mae’r cynlluniau terfynol wedi newid yn aruthrol ers y cynigion drafft a gyflwynwyd yn 2022. Mae’r newidiadau mawr yn cynnwys torri llarwydd oherwydd haint Phytophthora ac adlinio llawer o’r llanerchau a gynigiwyd yn flaenorol ynghyd â mwy o systemau coedamaeth bach eu heffaith yn y cnydau ifanc. Mae’r mathau o goedwigoedd yn y dyfodol hefyd wedi’u newid i gynyddu coed llydanddail ar hyd afonydd a nentydd a’r ardaloedd coetir hynafol a choetir mwy cymysg yn yr uchderau isaf. Mae’r cynlluniau nawr hefyd yn ystyried y rheolaeth o amgylch safle treftadaeth y byd UNESCO ac ymgynghorwyd yn eu gylch â CADW.

O ran rheolaeth ymarferol o ddydd i ddydd, mae CNC yn ceisio cyfyngu ar gyfyngiadau lle bo modd pan fo gweithrediadau coedwigol yn digwydd ac mae clirio safleoedd cwympo coed hefyd yn flaenoriaeth. Mae coed marw mewn nentydd fel Nant Gwernol yn cael eu monitro a’u symud pan fo angen.

 

Materion/pryderon eraill a godwyd yn yr ymgynghoriad:

Byddwch yn sensitif i dreftadaeth; cynyddwch fynediad i safle treftadaeth y byd; a chliriwch ardaloedd o amgylch nodweddion treftadaeth.

Mae’r cynllun diweddaru terfynol bellach wedi bod yn destun ymgynghori â CADW. O ran pryderon ynglŷn â chlirio’r llwybrau ac o amgylch adeiladau/strwythurau, mae ein rhaglen cynnal a chadw flynyddol yn mynd rhagddi yn hyn o beth. Mae gwaith wedi’i wneud eleni yn llwyddiannus wrth ddefnyddio ceffylau cob bach (Ceffylau Gwaith Carnog) i glirio ardaloedd yn sensitif, fel y llwybrau, y dramffordd a’r draphont ddŵr, a’r bwriad yw clirio o amgylch yr adeiladau/strwythurau yn ddiweddarach yn y flwyddyn.

Peidiwch â cholli llwybrau ar ôl plannu coed gan eu bod yn bwysig ar gyfer cerdded a thwristiaeth; sicrhewch fod hawliau tramwy cyhoeddus yn cael eu cynnal.

O ran pryderon ynghylch clirio’r llwybrau, mae’r rhain yn cael eu harchwilio’n rheolaidd ac mae gwaith yn cael ei wneud i’w cynnal a’u cadw.

Mae llifogydd rheolaidd yn y cwm. A oes unrhyw wiriadau a gwelliannau y gellir eu gwneud o ran yr afon? Cliriwch goed sydd wedi disgyn yn yr afon i atal llifogydd.

O ran y perygl o lifogydd, mae CNC yn monitro’r perygl o lifogydd yn rheolaidd ar ein safleoedd a reolir a’r camau gweithredu lle mae perygl llifogydd yn cael ei gydnabod, ond dim ond ar gyfer cyrsiau dŵr ar dir a reolir gan CNC y gallwn wneud hyn.

Mae perygl o goed yn disgyn ar hyd ffordd y B4405 – mae angen llwyrgwympo coed yn gynt.

Mewn perthynas â’r risg o goed/canghennau’n cwympo ar ffordd y B4405, gwnaed gwaith tocio helaeth eleni ar y rhan fwyaf o ardal Coed-y-fedw wrth ymyl y B4405 i foddhad yr awdurdod lleol, ond byddwn yn parhau i fonitro’r ardal hon.

Pwysigrwydd rheolaeth arfer gorau ar gyfer adar sy’n bridio gyda chyn lleied o aflonyddwch â phosibl yn ystod gweithrediadau coedwigaeth.

Mae CNC yn dilyn arfer gorau yn unol â chanllawiau Safonau Coedwigaeth y DU i ddiogelu pob aderyn cofrestredig a rhywogaeth a warchodir gan Ewrop.

Mae angen cael gwared ar gerbydau sydd wedi’u gadael.

Mae tîm Ystadau CNC ar hyn o bryd yn gweithio ar gael gwared ar y cerbydau gadawedig.

Rhowch fynediad i fforwyr mwyngloddiau.

Bellach mae proses ganiatáu mynediad Cymru gyfan ar y gweill i ganiatáu mynediad i fwyngloddiau ledled Cymru.

Mae ffensys ar hyd ffin y goedwig mewn cyflwr gwael.

Mae’r mater hwn bellach wedi’i ddatrys o dan gontractau newydd ar gyfer atgyweirio ac ailosod.

 

Awgrymiadau cyffredinol i wella’r cynllun/coedwig:

Awgrymwyd gwell mynediad a pharcio gyda llwybrau cysylltiedig ar gyfer marchogaeth.

Creu mwy o gyflogaeth leol trwy dwristiaeth

Creu llwybr beicio ar gyfer beicwyr mynydd

Darparu seddi mwy gwledig

Sôn mwy am hamdden

Mwy o gyfathrebu â CNC

Mae CNC yn ymdrechu i hyrwyddo hamdden anffurfiol a mynediad i’r goedwig ar gyfer amryfal ddefnyddwyr a gwella cyfleusterau lle bynnag y bo modd. Mae’r awgrymiadau wedi’u nodi a byddant yn cael eu hystyried gan y tîm lleol pan fydd arian a phrosiectau ar gael. Nid yw’r meinciau y cyfeirir atynt yn yr ymgynghoriad yn eiddo i CNC ac nid oeddent wedi’u lleoli ar dir a reolir gan CNC ond ar dir Coed Cadw.

 

Creu ‘ynysoedd cynefin’ ar gyfer ystlumod a bioamrywiaeth

Cysylltu coetiroedd hynafol â nentydd ac yn ddyfnach i’r coetir

Torri ar natur flociog y goedwig yn y dirwedd

Ffafrio systemau coedamaeth bach eu heffaith ar safleoedd Coed-y-graig a choetiroedd hynafol

Yn gyffredinol, mwy o goed llydanddail a choetir cymysg a systemau coedamaeth bach eu heffaith

Mae’r fersiynau diweddaraf o’r mapiau (gweler isod) yn dangos mwy o goed llydanddail a mwy o ardaloedd coetir cymysg na’r cynnig drafft gwreiddiol. Mae systemau coedamaeth bach eu heffaith wedi’u cynnig yn yr ardaloedd coetir cymysg hyn ar gyfer cnydau iau’r ail gylchdro. Bydd llawer o natur flociog y goedwig yn diflannu’n araf bach wrth i’r cnydau hŷn gael eu tynnu ac wrth i ragor o goed llydanddail a chymysgeddau ymddangos yn y goedwig dros amser. Nid yw’r cnydau cylchdro cyntaf yn briodol ar gyfer rheolaeth systemau coedamaeth bach eu heffaith oherwydd diffyg teneuo blaenorol a risg bosibl o wynt yn chwythu. Yn anffodus, mae’r cnydau llarwydd wedi cael hysbysiad iechyd planhigion statudol ar gyfer haint Phytophthora ac mae angen eu tynnu ymaith, a fydd yn arwain at lwyrgwympo’r cnydau llarwydd ar ochr y goedwig sy’n wynebu’r pentref yn y dyfodol agos.

 

Mae fersiwn derfynol y mapiau isod: