Cynllun Rheoli Perygl Llifogydd Llanwol Aberteifi

Trosolwg

Cliciwch i ddarllen y dudalen hon yn Saesneg / Click to read this page in English

Cynllun Rheoli Perygl Llifogydd Llanwol Aberteifi – Ymgynghoriad Cyn Cynllunio

Mae Cyfoeth Naturiol Cymru (CNC) yn cynnal ymgynghoriad cyn cynllunio cyhoeddus ar y dyluniadau drafft ar gyfer Cynllun Rheoli Perygl Llifogydd Llanwol Aberteifi, a fydd yn rhedeg o 7 Ebrill tan 18 Mai 2026.

Mae llifogydd llanwol wedi effeithio ar y rhan hon o Aberteifi yn y gorffennol, gan effeithio ar gartrefi, busnesau a llwybrau trafnidiaeth ar hyd glan ogleddol Afon Teifi.

Mae tua 90 eiddo mewn perygl arbennig, ac mae cynnydd yn lefelau'r môr, ynghyd â newid hinsawdd, yn golygu bod y bygythiad yn debygol o gynyddu.

Mae'r cynllun arfaethedig yn cynnwys wal llifogydd llanwol newydd, gwelliannau ar hyd y Strand, ac ardaloedd newydd o gynefin rhynglanwol. Nod y cynlluniau hyn yw amddiffyn y dref yn y dyfodol wrth wella rhannau o lan yr afon.

Bydd gwella amddiffyniad rhag llifogydd yn helpu i ddiogelu cartrefi, busnesau, mannau cymunedol a gwasanaethau hanfodol, gan hefyd gefnogi gwydnwch hirdymor y dref.

Yr ymgynghoriad hwn yw eich cyfle i weld y cynigion cynnar a helpu i lunio'r dyluniad terfynol.

Dyma ddogfennau'r cais cynllunio drafft rydyn ni'n bwriadu eu cyflwyno i Gyngor Sir Ceredigion i'w cymeradwyo.

1. Ffurflen gais
2. Datganiad Cynllunio – Cymraeg
3. Datganiad Dylunio a Mynediad - Cymraeg
4. Hysbysiad Safle
5. Lluniadau Dylunio
6. Datganiad Seilwaith Gwyrdd ac Uwchgynllun Tirwedd
7. Datganiad Dull Coedyddiaeth 
8. Asesiad Canlyniadau Llifogydd
9. Asesiad Rheoliadau Cynefinoedd
10. Datganiad Amgylcheddol
    • Cyfrol 1 – Datganiad Amgylcheddol
    • Cyfrol 2 – Ffigurau
    • Cyfrol 3 – Atodiadau
    • Cyfrol 4 – Crynodeb Annhechnegol – Cymraeg
11. Uwchgynllun Amgylcheddol
12. Ffotogyfosodiadau
13. Darluniau

Darllenwch a rhowch eich adborth gan ddefnyddio'r ddolen i’r arolwg ar-lein isod neu drwy anfon e-bost atom yn uniongyrchol yn cynllunllanwaberteifi@cyfoethnaturiolcymru.gov.uk

Mae copïau papur o'r dogfennau ar gael yn Llyfrgell Aberteifi, Stryd Morgan
Aberteifi, SA43 1DG.

Sesiwn galw heibio

Bydd sesiwn galw heibio i’r cyhoedd yn Ystafell y Tŵr, Castell Aberteifi, ddydd Mercher 13 Mai, 1-7pm.

Dyma gyfle i gwrdd â thîm y prosiect, gofyn cwestiynau a rhoi adborth ar y gwaith arfaethedig.

Pam y mae eich barn chi yn bwysig

Mae'r ymgynghoriad hwn yn rhoi'r cyfle i chi helpu i lunio'r cynnig ar gyfer Cynllun Rheoli Perygl Llifogydd Llanwol Aberteifi. Drwy rannu eich adborth, gallwch ddylanwadu ar sut mae'r prosiect yn cael ei gynllunio a'i gyflwyno i sicrhau ei fod yn amddiffyn y gymuned leol a'r amgylchedd. Bydd eich ymatebion yn cael eu hystyried cyn i gais cynllunio ffurfiol gael ei ystyried gan Gyngor Sir Ceredigion.