Heriau a dewisiadau – ymgynghoriad ar faterion rheoli dŵr sylweddol Cymru

Overview

Mae dŵr yn adnodd naturiol hanfodol i’r amgylchedd a phobl. Mae dŵr yn creu ac yn cynnal yr ecosystemau y mae pob peth byw yn dibynnu arnynt. Mae’n hanfodol i’r economi ac ar gyfer iechyd ac fe’i defnyddir i gynhyrchu pŵer, rhedeg diwydiannau a thyfu bwyd. Mae addasiadau ffisegol yn lleihau amrywiaeth a gwydnwch ein dyfroedd yn ddifrifol. Mae ardaloedd gwledig, dŵr gwastraff, trefi, trafnidiaeth a mwyngloddiau segur yn ffynonellau llygredd megis cemegion, metelau, maetholion a bacteria ac, yn ogystal â hyn, gall plastigion a microplastigion fod yn niweidiol i bobl a byd natur. Gall presenoldeb rhywogaethau estron goresgynnol gael effeithiau ecolegol ac economaidd sylweddol.. Rhagwelir y bydd newid hinsawdd yn achosi tymereddau cynyddol, glawiad mwy dwys a chyfnodau estynedig o dywydd sych.

Mae effaith gyfunol y materion hyn a’r galw cystadleuol am ddŵr yn golygu bod ein hecosystemau dŵr dan bwysau. Mae rhywogaethau eang eu lledaeniad, gan gynnwys eogiaid a brithyllod môr, yn profi dirywiad trychinebus; rhagwelir y bydd eogiaid wedi diflannu’n lleol o rai o afonydd Cymru erbyn 2030.

Mae ein hymchwiliadau a’n hymchwil drwy’r Cynlluniau Rheoli Basnau Afonydd yn dweud wrthym beth yw’r heriau, ac rydym am rannu hyn â chi. Mae angen i ni barhau i gydweithio i gymryd camau brys a chydweithredol i fynd i’r afael â’r materion hyn. Drwy rannu beth yw’r prif heriau sy’n wynebu ein hamgylchedd dŵr, rydym am glywed gennych chi am sut y gellir gwella ein dyfroedd.

Dweud eich dweud ar ddyfodol dŵr yng Nghymru

Dyma lle rydym yn ceisio eich barn ar y materion allweddol sy’n effeithio ar ein hamgylchedd dŵr a’r camau gweithredu sydd eu hangen i fynd i’r afael â nhw. Bydd eich mewnbwn yn helpu i lunio dyfodol rheoli dŵr yng Nghymru.

Mae copi PDF o’r ymgynghoriad hwn, gan gynnwys y cwestiynau, ar gael yma.